قازاقستان • 20 قىركۇيەك، 2021

«بەرەل» جادىگەرلەرى ۇلىبريتانيادا تانىستىرىلادى

577 رەت كورسەتىلدى

قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا شىعىس قازاقستان وبلىسىنىڭ اكىمدىگى ۇلىبريتانيانىڭ كەمبريدج ۋنيۆەرسيتەتىنىڭ Fitzwilliam مۋزەيىندە « ۇلى دالا التىنى» حالىقارالىق كورمەسىن ۇيىمداستىرۋدا، دەپ حابارلايدى Egemen.kz «بەرەل» مەملەكەتتىك تاريحي-مادەني قورىق-مۋزەيىنىڭ ءباسپاسوز قىزمەتىنە سىلتەمە جاساپ.

كورمەنىڭ اشىلۋ سالتاناتى 28 قىركۇيەكتە  وتەدى دەپ جوسپارلانۋدا. 

كورمەنىڭ ماقساتى حالىقارالىق قاۋىمداستىقتى قازاقستاننىڭ كوپ عاسىرلىق تاريحى مەن باي مادەنيەتى، رەسپۋبليكا عالىمدارىنىڭ عىلىمي ىزدەنىستەرىنىڭ جاڭا ناتيجەلەرىمەن تانىستىرۋعا مۇمكىندىك بەرۋ. 

وسىعان وراي قازاقستان ارحەولوگياسى جەتىستىكتەرى «Gold of Kazakhstan» ەكسپوزيتسياسىندا كورسەتىلەدى، مۇندا بەرەل قورعاندارىنان تابىلعان سۇيەكتەن، كيىزدەن جانە ماتادان جاسالعان جىلقى ابزەلدەرى كورەرمەندەر نازارىنا ۇسىنىلادى. 

ا

- زەرتتەۋشى زەينوللا ساماشەۆ 1998 جىلى قورعاننىڭ «پاتشالىق وبا» كەزەڭىن زەرتتەۋ بارىسىندا №11 نىساننان التىنمەن اپتالعان 13 تۇلپار مەن سول زاماننىڭ كوسەمى بولعان بەكزادا مەن ايەلدىڭ سۇيەگىن تاپقانى بەلگىلى. «بەرەل جىلقىلارى» دەگەن اتاۋمەن بەلگىلى بۇل جىلقىلار تاريحىمىزدىڭ جاۋھار جادىگەرلەرىنىڭ بىرەگەيىنە اينالعان. سونداي-اق، ەرەكشە قۇرىلىم مەن جەرلەۋ ءراسىمى №36-شى وبادا تىركەلگەن بولاتىن. باسقا جەردە كەزدەسپەيتىن بۇلان تەكتەس سۇيەكتەن جاسالعان جىلقىنىڭ اشەكەيى. بۇل اشەكەيدىڭ قۇندىلىعى دا التىنمەن بىردەي. مۇنداي ۇلگىلەر التاي ءوڭىرىنىڭ باسقا جەرلەرىندە كەزدەسپەيدى، - دەدى «بەرەل» مەملەكەتتىك تاريحي-مادەني  قورىق-مۋزەيى ديرەكتورىنىڭ مىندەتىن اتقارۋشى الماس سارباسوۆ.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار