بۇل تۋرالى سولتۇستىك قازاقستان وبلىسىنىڭ اكىمى قۇمار اقساقالوۆ الەۋمەتتىك جەلىدەگى پاراقشاسىندا جازدى.
«تۇقىمدار وسىمدىك شارۋاشىلىعىندا ناتيجە الۋعا نەگىز بولادى. ياعني, تۇقىمدار نەعۇرلىم جاقسى بولسا, ناتيجە سوعۇرلىم جاقسى بولادى. جوعارى ساپالى تۇقىم الۋ - كوپ ەڭبەكتى قاجەت ەتەتىن اۋىر جۇمىس. ءبىز وسى باعىتتا جۇمىس ىستەيمىز. قازىر كورنەەۆكا اۋىلىندا اۋىل شارۋاشىلىعى تۇقىمىن شىعاراتىن زاۋىت سالىنۋدا. «اتامەكەن اگرو» جشس پەرسپەكتيۆالى جانە ماڭىزدى باعىتقا 750 ميلليون تەڭگە ينۆەستيتسيا سالادى», دەپ جازدى ايماق باسشىسى.
جاڭا كاسىپورىن وزىق تەحنولوگيالاردىڭ ارقاسىندا تۇقىمدىق قوردى ەداۋىر جاقسارتىپ, فەرمەرلەردى ساپالى تۇقىممەن قامتاماسىز ەتەدى.
