ايماقتار • 20 قىركۇيەك، 2021

الماتىدا ايىپپۇل تولەمەيتىندەرگە تەكسەرۋ باستالدى

20 رەت كورسەتىلدى

الماتىدا جول ەرەجەسىن بۇزعانى ءۇشىن ايىپپۇل تولەمەيتىندەرگە تەكسەرۋ باستالدى، دەپ حابارلايدى Egemen.kz.

الماتى قالالىق پوليتسيا دەپارتامەنتىنىڭ مالىمەتىنشە، قالادا «بورىشكەر» جەدەل-الدىن الۋ شاراسى ءجۇرىپ جاتىر.

«قۇقىق بۇزۋشىلىققا نولدىك توزبەۋشىلىك» قاعيداسىن جۇزەگە اسىرۋ، بۇزۋشىلىق ءۇشىن جازانىڭ مىندەتتى تۇردە بولاتىنىن جانە اكىمشىلىك ايىپپۇلداردى ءوندىرۋ تيىمدىلىگىن ارتتىرۋ ماقساتىندا الماتى پوليتسياسى «بورىشكەر» جەدەل-الدىن الۋ ءىس-شاراسىن جۇرگىزۋدە.

جول قوزعالىسى كوپ جەرلەردە شارانى وتكىزۋگە جول-پاترۋلدىك پوليتسياسىنىڭ اۆتوكولىك ەكيپاجى قاتىسادى. اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە ەسەپتەيتىن «جقق» ااج جانە «سەرگەك» اوك دە قولدانىلادى»، دەپ حابارلادى پوليتسيادان.

قۇقىق بۇزۋشىنىڭ كولىگى مامانداندىرىلعان ايىپپۇل تۇراعىنا قويىلادى.

«جوسپارلانعان كەزەڭدىك ءىس-شارا، شەكتەۋلەرى بار ادامدار مەن كولىك قۇرالدارىن انىقتاۋعا، سونداي-اق اكىمشىلىك قۇقىق بۇزۋشىلىق تۋرالى ءىس بويىنشا مىندەتتەمەلەردى ەرىكتى تۇردە، زاڭمەن بەلگىلەنگەن مەرزىمدە ورىنداماعان ادامداردى انىقتاۋعا باعىتتالعان. قوزعالىپ كەلە جاتقان كولىك اعىنىنىڭ اراسىندا جۇيە قۇقىق بۇزۋشىنىڭ كولىگىن انىقتايتىن بولسا، ينسپەكتور كولىكتى توقتاتادى جانە توقتاۋ سەبەبىن تۇسىندىرەدى. سودان كەيىن قۇقىق بۇزۋشىنىڭ كولىگى مامانداندىرىلعان ايىپپۇل تۇراعىنا قويىلادى. تۇرۋ ورنىندا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس تاركىلەۋ حاتتاماسى جاسالادى. مۇنداي اكىمشىلىك شارالار قۇقىق بۇزۋشىلاردىڭ زاڭدى مىندەتتەمەلەردى ۋاقىتىندا ورىنداۋىنا ءتيىمدى اسەر ەتەدى دەپ ەسەپتەيمىن»، دەدى الماتى قالالىق پد اكىمشىلىك پوليتسيا باسقارماسىنىڭ باستىعى نۇرلان امانبەك.

سونداي-اق ءىس-شاراعا وڭىرلىك جەكە سوت ورىنداۋشىلار پالاتاسىنىڭ سوت ورىنداۋشىلارى مەن الماتى قالاسى پروكۋراتۋراسىنىڭ قىزمەتكەرلەرى قاتىسادى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار