ايماقتار • 20 قىركۇيەك، 2021

پاۆلوداردا تۇرعىن ءۇي پاتەرىنەن ءورت شىقتى

15 رەت كورسەتىلدى

پاۆلوداردا ءورت شىققان پاتەردە ەر ادام قازا تاپتى. تاعى ەكى زارداپ شەگۋشى جانىپ جاتقان پاتەردەن قاشىپ ۇلگەردى، دەپ حابارلايدى Egemen.kz.

وبلىستىق تجد ءباسپاسوز قىزمەتىنىڭ حابارلاۋىنشا، بۇگىن تۇندە ساعات 03:01-دە ۋكراينسكايا كوشەسى، 97 مەكەن-جايى بويىنشا ءورت تۋرالى قوڭىراۋ تۇسكەن.

بەسىنشى قاباتتاعى بەس قاباتتى تۇرعىن ۇيدە ءتورت بولمەلى پاتەردە 8 شارشى مەتر اۋماقتا جيھاز جانىپ كەتتى. ءورت سوندىرۋشىلەر كەلگەنگە دەيىن پاتەر يەسى، 1962 جىلى تۋعان ەر ادام جانە ونىڭ 1966 جىلى تۋعان جۇبايى ءوز بەتىنشە ەۆاكۋاتسيالاندى. اپاتتار مەديتسيناسى ورتالىعىنىڭ بريگاداسى ولارعا العاشقى دارىگەرگە دەيىنگى كومەك كورسەتىپ، پاۆلودار قالاسىنىڭ № 1 اۋرۋحاناسىنا جەتكىزدى.

ء«ورت سوندىرۋشىلەر اس ۇيدەن پاتەر يەسىنىڭ 1987 جىلى تۋعان ۇلىنىڭ دەنەسىن تاپتى»، دەلىنگەن حابارلامادا.

ءورت سوندىرۋشىلەر پودەزدەن 12 ادام مەن 2 بالانى ەۆاكۋاتسيالادى. ءورت 03:47-دە تولىق ءسوندىرىلدى.

ءورتتىڭ بولجامدى سەبەبى - تەمەكى شەگۋ كەزىندەگى ابايسىزدىق. وقيعا ورنىندا جەكە قۇرامنان 22 قىزمەتكەر جانە 7 بىرلىك تەحنيكا، تجد سىناۋ ءورت زەرتحاناسى، اپاتتار مەديتسيناسى ورتالىعى، «102» قىزمەتى جۇمىس ىستەدى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار