ايماقتار • 19 قىركۇيەك، 2021

الماتىدا جاڭا دەمالىس ورنى اشىلادى

32 رەت كورسەتىلدى

قالا كۇنى وتباسىلىق دەمالىس ساياباعى تانىستىرىلدى، دەپ جازادى Egemen.kz.

الماتى قالاسىنىڭ اكىمى باقىتجان ساعىنتاەۆ جوبامەن تانىستى. ناۋرىزباي اۋدانى اكىمدىگىنىڭ جانىنداعى 4،56 گا اۋماقتا ەسكى ساياباقتىڭ ورنىنا جاڭا ساياباق سالىنادى.

«مۇندا تەك اۋداننىڭ عانا ەمەس، بۇكىل قالا تۇرعىندارى وتباسىمەن جانە دوستارىمەن ۋاقىت وتكىزۋگە، جاڭا اتتراكتسيوندارعا مىنۋگە، اللەيالاردا سەرۋەندەۋگە جانە تازا اۋادا تاماقتانۋعا كەلەتىن بولادى. ساياباقتا 44 اتتراكتسيون مەن 4 فۋدكورت بولادى»، دەپ جازادى قالا اكىمىنىڭ ءباسپاسوز قىزمەتى.

حابارلاماعا سۇيەنسەك، بالالار باتۋتتا سەكىرە الادى، ۆيرتۋالدى شىندىق الەمىنە ەنەدى، ءۇشىنشى قيىندىق دەڭگەيىندەگى ارقان جولىنان وتەدى، لابيرينتتەن شىعۋدىڭ جولىن تابادى، ءوزىنىڭ Lego ءۇيىن سالادى جانە، ارينە، تۋعان كۇنىن تويلاي الادى.

ساياباقتىڭ بىرەگەي تۇجىرىمداماسىنىڭ ناتيجەسىندە ونىڭ بارلىق قوناقتارى جاسىنا قاراماستان كوڭىل كوتەرە الادى.

«Alem Park — بۇل جاي عانا ساياباق ەمەس، ءتۇرلى-ءتۇستى شابىندىقتارى، ساۋلەتتىك قۇرىلىمدارى، ارقان ساياباعى، الپينيستىك قابىرعا، جايلى كافەلەر مەن باسقا دا كوپتەگەن ويىن-ساۋىقتارى بار تۇتاس قالا»، دەپ جازىلعان حابارلامادا.

ايتا كەتەرلىگى، ساياباققا 500-گە جۋىق اعاش وتىرعىزىلادى. وسى جوبانى جۇزەگە اسىرۋدىڭ ارقاسىندا الماتىدا جاڭا ۇلكەن دەمالىس جانە ويىن-ساۋىق ساياباعى پايدا بولادى، ول تۇرعىنداردىڭ جينالاتىن ورنىنا اينالادى، الماتىلىقتاردىڭ جايلى تۇرۋى مەن دەمالىسىن قامتاماسىز ەتەدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار