ANTIKOR • 18 قىركۇيەك، 2021

بيۋدجەتتەن 62 ملن تەڭگە جىمقىرعاندار سوتتالدى

129 رەت كورسەتىلدى

ۆەتەرينارلىق ستانتسيا ديرەكتورى مەن ەسەپشىسى 62،9 ميلليون تەڭگە بيۋدجەت قارجىسىن جىمقىرعانى ءۇشىن سوتتالدى، دەپ حابارلايدى Egemen.kz قر سىبايلاس جەمقورلىققا قارسى اگەنتتىگىنە سىلتەمە جاساپ.

قىركۇيەك ايىندا شۋ اۋداندىق سوتىنىڭ ۇكىمىمەن «شۋ اۋدانىنىڭ ۆەتەرينارلىق ستانتسياسى» شجق كمك ديرەكتورى د. تىلەمىسوۆ (قك 189-بابى 4-بولىگى 2-تارماعى) - 8 جىلعا، مەكەمەنىڭ باس بۋحگالتەرى س. اۋكەشەۆا (قك 189-ب. 4-ب. 2-ت.) 7 جىل مەرزىمگە باس بوستاندىعىنان ايىرىلدى.

«ولار ءىس جۇزىندە جەتكىزىلمەگەن تاۋار-ماتەريالدىق قۇندىلىقتار ءۇشىن ۇلەستەس كومپانيالاردىڭ شوتتارىنا ولاردى نەگىزسىز اۋدارۋ جولىمەن، سونداي-اق وزدەرىنە كوتەرىڭكى جالاقى، سىيلىقاقىلار مەن ءىسساپار شىعىستارىن نەگىزسىز اۋدارۋ جولىمەن 62 954 936 تەڭگە سوماسىندا بيۋدجەت قاراجاتىن جىمقىرۋ كۇدىگىنە ءىلىندى»، دەپ جازىلعان ۆەدومستۆونىڭ ءباسپاسوز حابارلاماسىندا.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار