الەم • 18 قىركۇيەك، 2021

تالىپتەر وزبەك ءتىلىن رەسمي مارتەبەسىنەن ايىردى

262 رەت كورسەتىلدى

«تاليبان» كوشباسشىلارى ۋاقىتشا زاڭ شىعاردى. قۇجات بويىنشا جاڭا باسقارۋ جۇيەسىن قۇرىپ، بۇرىنعى زاڭنامادا بەكىتىلگەن ءۇش ءتىلدىڭ ورنىنا ەكى رەسمي ءتىلدى قالدىردى، دەپ حابارلايدى Egemen.kz ريا نوۆوستيگە سىلتەمە جاساپ.

فوتو : U.S. Marine Corps / 1stLt. Mark Andries

«نەگىزدەر» دەپ اتالاتىن زاڭ اۋعانستاننىڭ رەسمي ءدىنى رەتىندە -  يسلام ءدىنىنىڭ حانافي مازحابىن، رەسمي ءتىلى دەپ پۋشتۋ مەن ءداريدى كورسەتەدى. بۇرىن اۋعانستاندا سولتۇستىك پروۆينتسيالاردىڭ كوپتەگەن تۇرعىنى سويلەيتىن وزبەك ءتىلى دە رەسمي مارتەبەگە يە بولاتىن. سونىمەن قاتار، ەلدە شيتتەر دە بار. وعان نەگىزىنەن حازارلاردان كىرەدى.

قۇجاتقا سايكەس، اۋعانستاندا يسلامدىق زاڭگەرلەر كەڭەسى مەن جوعارعى كەڭەس قۇرىلادى، ونىڭ قۇرامىنا ءار پروۆينتسيادان ساياساتكەرلەر، عالىمدار مەن ءدىن قىزمەتكەرلەرى كىرەدى.

اتقارۋشى بيلىكتىڭ باسشىسى - پرەزيدەنت، ونى ازاماتتار مەن جوعارى كەڭەس مۇشەلەرى سايلايدى. سايلاۋدىڭ اشىق ءوتۋىن قامتاماسىز ەتۋ ءۇشىن سايلاۋ كوميسسياسى قۇرىلادى. ەگەر بۇرىنعى ۇكىمەت كەزىندە اۋعانستان ۇلتتىق اسسامبلەياسىنىڭ وكىلدەرى دەربەس دەپۋتاتتىق قۇقىققا يە بولسا، جاڭا ۇكىمەت ول قۇقىقتان ايىرۋدى كوزدەپ وتىر.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار