الەم • 18 قىركۇيەك، 2021

«تاليبان» وقۋشى قىزدار قاشان مەكتەپكە باراتىنىن حابارلادى

78 رەت كورسەتىلدى

اۋعانستاندا بيلىكتى باسىپ العان «تاليبان» راديكالدى قوزعالىسى جاقىن ارادا وقۋشى قىزداردىڭ مەكتەپكە بارۋىنا رۇقسات بەرمەك. بۇل تۋرالى ۋاقىتشا ۇكىمەتتەگى اقپارات جانە مادەنيەت ءمينيسترىنىڭ ورىنباسارى زابيحۋللا مۋدجاحيد مالىمدەدى، دەپ جازادى Egemen.kz.

«اۋعانستان يسلام امىرلىگىنىڭ شەنەۋنىكتەرى قازىرگى ۋاقىتتا سىنىپتاردى ءبولۋ، سونىمەن قاتار مۇعالىمدەردى قىزدار مەكتەبىنە تاعايىنداۋ بويىنشا جۇمىس جاساپ جاتىر»، دەدى ول.

جۇما كۇنى اۋعانستان ءبىلىم مينيسترلىگى ەل مەكتەپتەرىنىڭ 1-6 سىنىپتارىندا ساباق 18 قىركۇيەكتەن باستاپ قايتا جانداناتىنىن، بىراق ازىرگە وقۋ پروتسەسىنە تەك ەر بالالار مەن ەر مۇعالىمدەر شاقىرىلاتىنىن حابارلادى.

جەرگىلىكتى باق بۇرىن حابارلاعانداي، تاليبان اۋعانستاننىڭ بارلىق وقۋ ورنىندا ايەلدەر مەن ەركەكتەرگە بولەك ءبىلىم بەرۋدى ەنگىزۋدى جوسپارلاپ وتىر.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار