ەكونوميكا • 18 قىركۇيەك، 2021

قازاقستان ىشكى قاجەتتىلىكتى بيدايمەن تولىق قامتاماسىز ەتەدى - مينيستر

18 رەت كورسەتىلدى

قر پرەمەر-ءمينيسترىنىڭ ورىنباسارى رومان سكلياردىڭ پاۆلودار وبلىسىنا جۇمىس ساپارىمەن باردى. دەلەگاتسيا قۇرامىندا بولعان قر اۋىل شارۋاشىلىعى ءمينيسترى ەربول قاراشوكەەۆ وبلىستاعى ەگىن جيناۋ بارىسىمەن تانىسىپ، بىراقاتار اۋىل شارۋاشىلىعى كاسىپورنىن ارالادى، دەپ جازادى Egemen.kz.

ۆەدومستۆا باسشىسى جەل گەنەراتورى جۇيەسىنىڭ جۇمىسىمەن تانىستى. ودان كەيىن تاۋارلى ءسۇت فەرماسىنا، الەۋمەتتىك نىساندار مەن عىلىمي زەرتحاناعا،  وبلىستاعى جىلىجاي مەن كوكونىس قويمالارىنا بارىپ، شارۋالارمەن كەزدەستى.

سونداي-اق، جۇمىس ساپارى اياسىندا ە.قاراشوكەەۆ كارتوپ، كوكونىس جانە ءداندى داقىلدار وسىرۋمەن اينالىساتىن «تيمۋر» شارۋا قوجالىعىنىڭ القاپتارىن ارالاپ كوردى.

«قازىرگى ۋاقىتتا ەلىمىزدە 14،6 ملن گا ءداندى جانە ءداندى-بۇرشاقتى داقىل جينالدى. ورتاشا ونىمدىلىك گەكتارىنا 9،3 تسەنتنەردەن اينالدى. وتكەن جىلدان قالعان استىقتى قوسا ەسەپتەگەندە، شامامەن 18،8 ملن توننا استىق بار، ونىڭ 13،3 ملن تونناسى بيداي. قازاقستان ىشكى قاجەتتىلىكتى بيدايمەن تولىق قامتاماسىز ەتەدى»، دەدى مينيستر.

ۆەدومستۆو باسشىسىنا جىلىجاي ونىمدەرىن ءوندىرۋدىڭ قازىرگى جاعدايى مەن ودان ءارى دامۋ پەرسپەكتيۆالارى ۇسىنىلدى.

«ينۆەستيتسيالىق سۋبسيديا باعدارلاماسى اياسىندا جىلىجاي سالۋعا كەتكەن شىعىندار وتەلەدى»،تدەپ اتاپ ءوتتى ە.قاراشوكەەۆ.

ۆيرۋسسىز كارتوپ تۇقىمىن وسىرۋگە ارنالعان بيوزەرتحانانىڭ جۇمىسىمەن تانىسقان مينيستر جالپى اۋىل شارۋاشىلىعى جۇيەسىنىڭ تيىمدىلىگى داقىلداردى ءوسىرۋ مەن مال شارۋاشىلىعىن دامىتۋدىڭ عىلىمي ءادىس-تاسىلدەرىنە نەگىزدەلۋى ءتيىس ەكەنىن اتاپ ءوتتى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار