ايماقتار • 18 قىركۇيەك، 2021

قاراعاندىداعى دالا ءورتى: ءبىر ادام قايتىس بولدى

33 رەت كورسەتىلدى

بۇگىن قاراعاندى وبلىسىنىڭ قاراقارالى اۋدانىندا شىققان دالا ورتىنەن زارداپ شەگىپ،  دەنەسىنىڭ 90%-ىن تەرميالىق كۇيىك شالعان 48 جاستاعى ەر ادام كوز جۇمدى، دەپ جازادى Egemen.kz.

قارقارالى اۋدانىنىڭ بالقانتاۋ اۋىلدىق وكرۋگىندەگى تابيعي ءورتتى اۋىزدىقتاۋ بارىسىندا بارلىعى ءۇش ادامنىڭ دەنەسىن كۇيىك شالعان ەدى.

تجد ءباسپاسوز قىزمەتىنىڭ حابارلاۋىنشا، 1989، 1979 جانە 1973 جىلى تۋعان ەگىندىبۇلاق كەنتىنىڭ 3 تۇرعىنى اۋرۋحاناعا جاتقىزىلعان. ولاردىڭ دەنەسىن 18، 28 جانە 90% تەرميالىق كۇيىك شالعان.

«ەگىندىبۇلاق اۋىلىنان 3 ادام جەتكىزىلدى. ونىڭ بىرەۋىنىڭ دەنەسىن 90% كۇيىك شالعان. وتە اۋىر كۇيىك شوگىن العان. تەرموينگالياتسيالىق جاراقات. جاسالعان شارالارعا قاراماستان، وكىنىشكە قاراي، ناۋقاس العان جاراقاتىنىڭ اۋىرلىعىنان قايتىس بولدى. ەكىنشى ناۋقاستىڭ 28% دەنەسىن كۇيىك شالعان، ۇشىنشىسىندە - 18% كۇيىك. ولاردىڭ جاعدايى تۇراقتى»، دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.

تابيعي ورتتەردى جويۋعا 339 ادام جانە 94 تەحنيكا، ونىڭ ىشىندە تج دەپارتامەنتى (93 ادام، 22 تەحنيكا) جانە جەرگىلىكتى اتقارۋشى ورگانداردىڭ ورتكە قارسى ەرىكتى قۇرالىمدارى (246 ادام، 72 تەحنيكا) جۇمىلدىرىلدى.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار