الەم • 17 قىركۇيەك, 2021

سولتۇستىك كورەيا ۋران بايىتۋ زاۋىتىن كەڭەيتەدى - باق

310 رەت

كورسەتىلدى

1 مين

وقۋ ءۇشىن

سولتۇستىك كورەيا قارۋ-جاراققا ارنالعان ۋراندى بايىتۋ زاۋىتتىن كەڭەيتۋدى جوسپارلاپ وتىر, دەپ حابارلايدى Egemen.kz.

گاۋھار قاپاش

سولتۇستىك كورەيا ۋران بايىتۋ زاۋىتىن كەڭەيتەدى - باق

بۇل تۋرالى NHK تەلەارناسى مالىمدەدى.

تەلەارنا مالىمەتىنشە, مونتەرەيداعى ميددلبەري حالىقارالىق زەرتتەۋلەر ينستيتۋتىنىڭ امەريكالىق مامانى دجەففري ليۋيس كحدر-داعى يونبەن يادرولىق ورتالىعىنىڭ اۋماعىندا بەلسەندىلىكتى تىركەگەن.

ماماننىڭ ايتۋىنشا, زاۋىتتى كەڭەيتۋ بويىنشا قۇرىلىس جۇمىستارى قولدانىستاعى عيمارات ماڭىندا باستالعان سياقتى. سۋرەتتەردە ەكسكاۆاتور, سونداي-اق اۋماقتى قورشاۋ ءۇشىن سالىنعان قابىرعا كورىنەدى. ول جاقىندا قورشالعان اۋماققا كىرۋدى قامتاماسىز ەتۋ ءۇشىن زاۋىت عيماراتىنىڭ بۇيىرىنەن پانەلدەر الىپ تاستالعانىن ايتتى.

«يونبەننىڭ كەڭەيۋى قارۋ-جاراق ءوندىرىسى ءۇشىن يادرولىق ماتەريالدار ءوندىرىسىن ۇلعايتۋ جوسپارىن كورسەتۋى مۇمكىن», دەدى ليۋيس.

ءليۋيستىڭ ايتۋىنشا, جاڭا الاڭ مىڭداعان تسەنتريفۋگالاردى ورنالاستىرۋعا جەتەتىندەي ۇلكەن بولۋى مۇمكىن. بۇل قارۋ-جاراق ۋران وندىرەتىن نىساننىڭ مۇمكىندىكتەرىن 25 پايىزعا ارتتىرادى. بۇعان دەيىن نىساننىڭ اۋدانى مىڭ شارشى مەترگە وسكەنى بەلگىلى بولدى.

اتوم ەنەرگياسى جونىندەگى حالىقارالىق اگەنتتىك ءوز بايانداماسىندا يونبەندەگى كحدر-نىڭ يادرولىق ازىرلەمەلەرىنە قاتىستى ەلەۋلى الاڭداۋشىلىق بىلدىرگەنى ايتىلدى.