«رەسەيدە شەتەلدىك ۆاكتسينالار شىعارىلۋدا, AstraZeneca ر-فارم-دا ەكسپورتتىق كەلىسىمشارتتار ارقىلى جاسالادى. ىشكى نارىققا كەلەتىن بولساق, ءبىز ءوز ونىمدەرىمىزبەن تولىق كولەمدە قامتىلدىق. بولاشاقتا ءبارى مۇمكىن, اسىرەسە, قازىرگى سۇرانىس تولقىنىندا ءبىز ءوز وندىرىستەرىمىزبەن جۇمىس ىستەيمىز», دەدى وسماكوۆ.
ر-فارم باس ديرەكتورى ۆاسيلي يگناتەۆ كومپانيا ماۋسىم ايىندا وكسفورد ۋنيۆەرسيتەتى مەن AstraZeneca ليتسەنزياسى بويىنشا كوروناۆيرۋستىق ۆاكتسينانىڭ العاشقى پارتياسىن شىعارۋدى جوسپارلاپ وتىرعانىن ايتتى. ول رەسەيدە «ر-فارم» وندىرىستىك قۋاتتىلىقتارىندا شىعارىلاتىن «ر-كوۆي» ۆاكتسيناسىنىڭ بىرنەشە ءجۇز مىڭ داناسى اي سايىن ەكسپورتقا شىعارىلاتىنىن اتاپ ءوتتى.
