«وزدەرىڭىز بىلەتىندەي, پاندەميا دەنساۋلىق ساقتاۋدىڭ كوپتەگەن ماسەلەلەرىن, سونىڭ ىشىندە سىبايلاس جەمقورلىققا جول اشتى. بۇل دەنساۋلىق ساقتاۋ سالاسىنداعى سىبايلاس جەمقورلىق تاۋەكەلدەرىن سىرتقى تالداۋ تسيكلىن باستاۋعا نەگىز بولدى», دەدى اسان ۇلى.
ول وتكەن جىلى الەۋمەتتىك مەديتسينالىق ساقتاندىرۋ قورى مەن دەنساۋلىق ساقتاۋ مينيسترلىگىنىڭ ورتالىق اپپاراتى تالداۋمەن قامتىلعانىن ەسكە سالدى. بيىل مينيسترلىكتىڭ 2 كوميتەتىندە, اتاپ ايتقاندا, مەديتسينالىق جانە فارماتسەۆتيكالىق باقىلاۋ كوميتەتى, سانيتارلىق-ەپيدەميولوگيالىق باقىلاۋ كوميتەتىندە تولاسسىز سىرتقى تەكسەرۋلەر اياقتالدى.
ونىڭ ايتۋىنشا, 138 سىبايلاس جەمقورلىق تاۋەكەلى انىقتالدى, ولار بويىنشا 246 ۇسىنىم ازىرلەندى.
ء«بىرىنشى, «ماقساتتىق كورسەتكىشتەردىڭ جەتىلمەگەندىگى». نىسانالى ينديكاتور – «ناۋقاستاردىڭ مەديتسينالىق كومەك ساپاسىنا قاناعاتتانۋى» ناتيجەلەرىنىڭ بۇرمالانۋىنىڭ جوعارى تاۋەكەلى بەلگىلەندى. ەكىنشى, ءدارى-دارمەكتىڭ باعاسىن جاساندى تۇردە كوتەرۋ. باعا ءوتىنىم بەرۋشىنىڭ دايەكسىز اقپاراتىنا نەمەسە ونىڭ كوممەرتسيالىق ۇسىنىسىنا قالىپتاستىرىلادى. ءدارى-دارمەكتەردىڭ باعاسىنا ولار بولماعان كەزدە دە ماركەتينگتىك شىعىندار كىرۋى مۇمكىن. قولدانىستاعى كوتەرمە-بولشەك ساۋدا ەرەجەلەرى باعانى قوسىمشا 30%-عا ارتتىرۋعا مۇمكىندىك بەرەدى. ءتورتىنشى. سانيتارلىق-ەپيدەميولوگيالىق قىزمەتتىڭ باقىلاۋ-قاداعالاۋ فۋنكتسيالارىنداعى قاۋىپتەر», دەپ ءتۇسىندىردى پرەۆەنتسيا قىزمەتىنىڭ باسشىسى.
اگەنتتىكتىڭ دەرەكتەرى بويىنشا, مەديتسينالىق قىزمەتتەردىڭ ساپاسىنا سىرتقى ساراپتاما ناتيجەلەرىنىڭ زاڭسىزدىعى انىقتالدى. ماسەلەن, 147 تەكسەرۋ تاۋەلسىز ساراپشىلاردىڭ قاتىسۋىنسىز جۇرگىزىلدى, ال ساراپتامالىق قورىتىندىلاردى ۋاكىلەتتى ەمەس ادامدار جاساعان.
مونيتورينگ جانە كامەرالدىق باقىلاۋ تسيفرلاندىرىلماعان. بۇل باعىتتا قابىلدانىپ جاتقان شارالار فورمالدى. ساتىپ الىنعان پلانشەتتەر مەن ءموبيلدى پرينتەرلەر (قۇنى 600 ملن تەڭگە) اكىمشىلىك پراكتيكانى اۆتوماتتاندىرۋ ءۇشىن پايدالانىلمايدى. باقىلاۋ قۇجاتتارى قولمەن جاسالادى, بۇل سىبايلاس جەمقورلىققا جاعداي جاسايدى.
«جوعارىدا اتالعان سىبايلاس جەمقورلىق تاۋەكەلدەرى بويىنشا ۇسىنىستار جاسالىپ, دەنساۋلىق ساقتاۋ مينيسترلىگىنە جولداندى», دەپ تۇيىندەدى اسان ۇلى.
