فوتو: WANA (West Asia News Agency) via REUTERS
اۋعانستاندا بيلىكتى باسىپ العان «تاليبان» راديكالدى قوزعالىسى ايەلدەر ىستەرى مينيسترلىگىن تاراتىپ, ونىڭ ورنىنا يسلامدىق «شاريعات پوليتسياسى» فۋنكتسيالارىن ورىندايتىن ورگان قۇردى. بۇل تۋرالى جۇما كۇنى اۋعانستان حالىقارالىق جەرگىلىكتى تەلەارناسى حابارلادى.
ونداعى دەرەككە سۇيەنسەك, تاڭەرتەڭ تالىپتەر بۇرىنعى اتاۋى بار تاقتايشانى مينيسترلىك عيماراتىنان الىپ تاستاپ, ونىڭ ورنىنا ء«امري مارۋف ءۋا ءناحي مۋنكار» ء(«دىننىڭ ءامىرىن ۇگىتتەپ, كۇنادان تىيىلۋ») دەگەن جازۋ ءىلىپ قويعان. ول 1996-2001 جىلدارى, راديكالدار اۋعانستاندا بيلىك قۇرعان كەزدە بولعان ورگاننىڭ اتاۋى.
بۇعان دەيىن جەرگىلىكتى بۇقارالىق اقپارات قۇرالدارى «تاليبان» سوڭعى كۇندەرى مينيسترلىكتە ىستەگەن ايەل قىزمەتكەرلەردى جۇمىس ورنىنا جىبەرمەي جاتقانىن, دەپارتامەنت عيماراتىنىڭ الدىندا قاۋىپسىزدىكتى كۇشەيتكەنىن حابارلاعان.
ايەلدەر ىستەرى مينيسترلىگى اۋعانستاندا 2001 جىلدىڭ جەلتوقسانىندا, تاليبان كابۋلدان قۋىلىپ, ەلدىڭ كوپ بولىگىن باقىلاۋدى جوعالتقاننان كەيىن قۇرىلدى.
