«بيىل ۇيىمىمىز ءۇشىن اتاۋلى جىل. 20 جىل بۇرىن تاريحي قادام جاسالىپ, شانحاي ىنتىماقتاستىق ۇيىمىن قۇرۋ تۋرالى دەكلاراتسيا قابىلداندى. ءححى عاسىردىڭ باسىندا نەگىزى قالانعان شانحاي ىنتىماقتاستىق ۇيىمى بۇكىل الەمگە ەۋرازيا كەڭىستىگىندەگى حالىقتاردىڭ قاۋىپسىزدىگى, دامۋى, جانە گۇلدەنۋى ءۇشىن ءتيىمدى ىنتىماقتاستىققا ۇجىمدىق ەرىك-جىگەرىن پاش ەتتى.
ورتالىق كۇش-جىگەرىمىزدىڭ ارقاسىندا شىۇ الەمدەگى ەڭ تابىستى ءارى بەدەلدى وڭىرلىك بىرلەستىككە اينالدى. شىۇ جاۋاپكەرشىلىگى ايماعىندا اۋقىمدى دەموگرافيا, قارجى, شيكىزات رەسۋرستارى سونىمەن قاتار قۋاتتى تەحنولوگيالىق الەۋەت شوعارىلانعان», دەدى مەملەكەت باسشىسى.
قر پرەزيدەنتى قوماقتى نورماتيۆتىك-قۇقىقتىق بازا قالىپتاسىپ, بارلىق دەڭگەيدە ءتيىمدى ءوزارا ءىس-قيمىل تەتىكتەرى قۇرىلعانىن باسا ايتتى.
«ۇيىمنىڭ حالىقارالىق بايلانىستى قارقىندى تۇردە كەڭەيۋدە. ءۇندىستان مەن پاكىستاننىڭ قوسىلۋى شىۇ-نى كۇشەيتە تۇسكەنى ءسوزسىز.
ونىڭ قىزمەتىنە ناقتى ترانسەۋرازيالىق سيپات بەردى. يراندى قابىلداۋ پروتسەدۋراسىن باستاۋ تۋرالى شەشىم, سونداي-اق مىسىر, ساۋد ارابياسى مەن كاتارعا ديالوگ جونىندەگى ارىپتەس مارتەبەسىن بەرۋ ۇيىمعا جاڭا ولشەم – تاياۋشىعىستىق سيپات بەرەدى. مۇنىڭ بارلىعى دا ىنتىماقتاستىقتىڭ شانحاي رۋحىنىڭ وزەكتىلىگى مەن بىرەگەيلىگىن دالەدەيدى», دەدى قاسىم-جومارت توقاەۆ.
مەملەكەت باسشىسى شىۇ اشىق ءارى ترانسپارەنتتى قۇرىلىم بولعانىن جانە سولاي بولىپ تا قالا بەرەتىندىگىن, قىزمەتى وزگە ەلدەر مەن بلوكتاردىڭ مۇددەسىنە قارسى باعىتتالماعاندىعىن اتاپ ءوتتى.
«ەندى شانحاي ىنتىماقتاستىق ۇيىمى ءوز دامۋىنىڭ ساپالى جاڭا كەزەڭىنە شىعادى», دەدى قر پرەزيدەنتى.
