«2020 جىلى تۋريزم كوروناۆيرۋس پاندەمياسىنان اسا زارداپ شەككەن سالالاردىڭ ءبىرى بولدى. الماتىدا 2020 جىلدىڭ 11 ايىندا شەتەلدىك تۋريستەر سانى 72,5%-عا ازايدى. سانيتارلىق-ەپيدەميولوگيالىق جاعدايدىڭ جاقسارۋىنا بايلانىستى 2021 جىلى الماتىدا تۋريستەر سانىن جىلىنا 1 ميلليونعا دەيىن ارتتىرۋ جوسپارلانعان», دەپ جازىلعان شولۋدا.
وسى جىلدىڭ 7 ايىندا تۋريزم سالاسىنا سالىنعان ينۆەستيتسيالار 56,8 ملرد تەڭگەنى قۇرادى ء(وسىم 2,4 ەسە). بۇل قالا ينۆەستيتسيالارىنىڭ جالپى كولەمىنىڭ 10%-ىن قۇرايدى.
2021 جىلدىڭ ەكى توقسانىنىڭ قورىتىندىسى بويىنشا الماتى قالاسىنداعى ورنالاستىرۋ ورىندارى بويىنشا تۋريستەردىڭ جالپى سانى 501,4 مىڭنان استام ادامدى قۇرادى, ونىڭ ىشىندە شەتەلدىكتەر — 54,2 مىڭ ادام, ىشكى تۋريستەر – 447,2 مىڭنان استام ادام.
2021 جىلدىڭ 8 ايىندا الماتى قالاسىنا 235 مىڭنان استام شەتەلدىك جولاۋشى كەلدى. بۇل وتكەن جىلدىڭ سايكەس كەزەڭىمەن سالىستىرعاندا 2 ەسە كوپ. بۇگىندە كەلۋشىلەردىڭ بەستەن ءبىر بولىگى جانە شەتەلدىك تۋريستەردىڭ 45%-ى الماتىعا كەلەدى. بۇل ەلدىڭ ءاربىر ەكىنشى شەتەلدىك ءتۋريستى.
وسىعان بايلانىستى جىل سايىن قالادا حالىقارالىق دەڭگەيدەگى قوناق ۇيلەر سالىنادى.
«سونداي-اق بيىل ەكولوگيالىق تۋريزم سالاسىنداعى 4 جوبانى ىسكە اسىرۋدى باستاۋ كوزدەلىپ وتىر. 2021-2022 جىلدار ارالىعىندا Medeu Park Hotel قوناق ءۇي كەشەنىن, Qazaq Ayl ەكو-وتەلىن, بۋتاكوۆكادا Tau-Tas گلەمپينگىن, تۇيىك-سۋ شاتقالىندا گلەمپينگتى, بۋتاكوۆكادا Tau Hub ۆيزيت-ورتالىعىن, ۇاك-تا ۆيزيت-ورتالىعىن سالۋ جوسپارلانعان», دەپ جازادى ۇكىمەت باسشىسىنىڭ ءباسپاسوز قىزمەتى.
قالالىق ورتادا قوناقتارعا جايلى بولۋى ءۇشىن قالانىڭ ەڭ تانىمال تۋريستىك ورىندارىندا 5 ۆيزيت-ورتالىق پەن 25 سانيتارلىق-گيگيەنالىق توراپ ورناتۋ جوسپارلانعان.
«تاۋلى جەرلەردە 3 جىل ىشىندە 1000 كم-دەن استام تاۋلى جاياۋ مارشرۋتتار تسيفرلاندىرىلدى, ولاردىڭ 500 كم-گە جۋىعى اباتتاندىرىلدى. 2021 جىلى ۇلكەن جانە كىشى الماتى شاتقالىندا 6 كەمپينگ ايماعىن قۇرا وتىرىپ, جالپى ۇزىندىعى شامامەن 172 كم بولاتىن تاۋ باعىتتارىن اباتتاندىرۋ كوزدەلگەن», دەپ جازىلعان شولۋدا.
تاۋداعى تۋريستەردىڭ قاۋىپسىزدىگىن قامتاماسىز ەتۋ ءۇشىن 2021 جىلى تومەندەگى نىسانداردىڭ قۇرىلىسى اياقتالادى:
- كىشى جانە ۇلكەن الماتى شاتقالدارىندا تاۋدا قۇتقارۋشىلاردىڭ 16 ادامنان تۇراتىن قوسىمشا شتاتىنىڭ تاۋلىك بويى كەزەكشىلىك ەتۋىمەن 2 باقىلاۋ-قۇتقارۋ پۋنكتى;
- «تۇيىك-سۋ» شاتقالىنداعى تىكۇشاق الاڭى;
- 15 راديورەلەلىك دىڭگەك ورناتۋمەن (قۇتقارۋ وتريادتارىنا دابىل بەرۋ باتىرمالارى بار) جانە «Tau Go» سمارت-ناۆيگاتور قوسىمشاسىن ازىرلەۋمەن تاۋ مارشرۋتتارىنىڭ شالعاي توراپتىق ۋچاسكەلەرىندە 15 تاۋ ۇيشىگى;
- تاۋلى جەرلەردە تۋريستىك ناۆيگاتسيانىڭ بىرىڭعاي جۇيەسىن قۇرۋ.
سونداي-اق «قازاقتەلەكوممەن» بىرلەسىپ تاۋداعى «اق ايماقتاردى» ۇيالى بايلانىسپەن قامتۋ جوباسى پىسىقتالىپ جاتىر.
