ايماقتار • 17 قىركۇيەك، 2021

ماڭعىستاۋدىڭ گەولوگيالىق ەرەكشەلىكتەرى قىزىقتىرادى

58 رەت كورسەتىلدى

بۇۇ-نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري اقتاۋ قالاسىنا تۇڭعىش جۇمىس ساپارىمەن كەلدى. ساپار بارىسىندا ماڭعىستاۋ وبلىسىنىڭ اكىمى نۇرلان نوعاەۆپەن كەزدەسۋ، بۇۇ اگەنتتىكتەرىنىڭ جەرگىلىكتى جوبالارىمەن تانىسۋ، ۇكىمەتتىك ەمەس ۇيىمدار، جەتەكشى باق جانە جاستار وكىلدەرىمەن كەزدەسۋلەر جوسپارلانعان.

2014-2016 جىلدارى بۇۇ جەتى اگەنتتىگى – بۇۇ دب، يۋنيسەف، ددۇ، بۇۇ بجكب، يۋنفپا، بۇۇ ايەلدەر ۇيىمى، يۋنەسكو جانە قازاقستان رەسپۋب­ليكاسىنىڭ ۇلتتىق ەكونوميكا مينيسترلىگىنىڭ، سونداي-اق ماڭعىستاۋ وبلىسى اكىمدىگىنىڭ الەۋمەتتىك، مەديتسينالىق جانە ەكونوميكالىق دامۋدا تۇراقتى جانە تەڭ ىلگەرىلەۋگە قول جەتكىزۋ ءۇشىن ايماققا مۇمكىندىك اشۋ بىرلەسكەن باعدارلاماسى جۇزەگە اسىرىلدى. باعدارلامانىڭ جالپى بيۋدجەتى 8،2 ملن اقش دوللارىن قۇرادى.

وزىندىك گەولوگيالىق ەرەك­شەلىكتەرىمەن ماڭعىستاۋ وبلىسى يۋنەسكو-نىڭ جاھاندىق گەوپارك­تەر تىزىمىنە قوسىلۋ ءۇشىن ەلەۋلى الەۋەتكە يە، ول جەرگىلىكتى قاۋىمداستىقتاردىڭ دامۋىنا، اتاپ ايتقاندا، ەكوتۋريزمنىڭ دامۋى ارقىلى ىقپال ەتەدى. يۋنەسكو-نىڭ الماتىداعى كەڭسەسى گەولو­گيالىق مۇرانى قورعاۋ مەن پايدالانۋ بويىنشا تەحنيكالىق كەڭەس بەرۋ، الەۋەتتى ارتتىرۋ، اقپا­رات­تىق باعدارلامالاردى ازىرلەۋ جانە يۋنەسكو-نىڭ جاھاندىق گەوپاركتەرىنىڭ نوميناتسياسىنا ۇمىتكەرلەردى دايىندايدى.

بۇۇ اگەنتتىكتەرى دامۋدىڭ با­سىمدىقتارىنا قول جەتكىزۋ ءۇشىن ايماققا قولداۋ كورسەتۋدى جال­عاستىرۋعا دايىن. 2021 جىل كليمات پەن بيوالۋاندىلىق كون­ۆەنتسيالارىنىڭ الداعى كەز­دەسۋلەرىنە بايلانىستى وتە ما­ڭىزدى، وندا ۇكىمەتتەر وسى ون­جىلدىقتا پارنيكتىك گازدار شى­عارىندىلارىن ەكى ەسەگە جۋىق تومەندەتۋ، بيوالۋاندىلىقتى ساق­تاۋ جانە قالپىنا كەلتىرۋ ار­قىلى پلانەتانى قورعاۋ ءۇشىن قار­قىندى ماقساتتاردى قويۋى ءتيىس.

 

«ەگەمەن-اقپارات»

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار