تەحنولوگيا • 17 قىركۇيەك، 2021

ينۆەستيتسيالىق ساۋاتتىلىقتى ارتتىرۋمەن اينالىسادى

70 رەت كورسەتىلدى

تەحنوپارك Vس School باع­دار­لاماسى ارقىلى وتاندىق نارىق­تاعى ۆەنچۋرلىك ينۆەستورلاردىڭ جەتىسپەۋشىلىگى ماسەلەسىن شە­شۋدى جوسپارلاۋدا.

قازىرگى تاڭدا قازاقستاندا 5-7 ۆەن­چۋرلىق قور بەلسەندى جۇمىس ىستەۋ­دە. بۇل رەتتە ستار­تاپتاردىڭ ينۆەس­تيتسيالارعا قاجەتتىلىگى ۇسىنىستان اسىپ تۇسەدى.

«قازاقستاندا وتاندىق ۆەنچۋرلىق ينۆەستيتسيالاۋ سالاسى ءالى قالىپتاسۋ ساتىسىندا. بۇل باعىتتى دامىتۋ ىنتالاندىرۋدى قاجەت ەتەدى. سونداي-اق جەكە ۆەنچۋرلىك ينۆەستورلاردىڭ قۇزىرەتتەرىن دە دامىتۋ قاجەت»، دەيدى Astana Hub باسقارۋشى ديرەكتورى اركادي سەلەزنەۆ.

جىل سايىن قازاقستاندا IT سالاسىندا جاڭا ستارتاپ جوبالار سانى وسۋدە. اتاپ ايتقاندا، بۇگىنگى تاڭدا ەلىمىزدىڭ ەڭ ءىرى تەحنوپاركى Astana Hub رەزيدەنتتەرى ساپىندا 500-دەن استام ستارتاپ بار، ال جالپى العاندا، Astana Hub-تىڭ ءتۇرلى باعدارلامالارى ارقىلى 2018 جىلدان باستاپ 10 مىڭنان استام ادام ءوتتى. جاستار پەرسپەكتيۆالى باعىتتا دامۋ، يكەمدى جۇمىس كەستەسى جانە پىكىرلەستەر كومانداسىمەن جۇمىس ىستەۋدى ۇناتادى.

ءاربىر ستارتاپتىڭ دامۋىنداعى ماڭىزدى كەزەڭ – قارجىلاندىرۋدى تارتۋ. ينۆەستيتسيالار پايدالانۋ­شىلاردىڭ ناقتى ماسەلەلەرىن شەشۋ ءۇشىن IT-ءونىمدى جاقسارتۋعا، پايدا­لانۋشىلار بازاسىن ۇلعايتۋعا جانە بولا­شاقتا قاجەتتى پايدا الۋعا كومەك­تەسەدى. ينۆەستيتسيالار كوماندانىڭ جالا­قىسىن، اكىمشىلىك جانە باسقا شى­عىنداردى تولەۋگە مۇمكىندىك بەرەدى.

ينۆەستيتسيالىق ساۋاتتىلىق دەڭ­گەيىن ارتتىرۋ جانە ستارتاپتاردى دامىتۋ ءۇشىن قولايلى ورتا قۇرۋ ماق­ساتىندا Astana Hub تۇراقتى نەگىزدە VC School وقىتۋ كۋرسىن وتكىزەدى. ماسە­لەن، بيىل 28 قىركۇيەكتە الما­تى­دا مەكتەپتىڭ بەسىنشى لەگى باستالادى، وندا تابىستى ۆەنچۋرلىك ينۆەس­تورلار جانە بيزنەس-پەرىشتەلەر ستارتاپتار مەن IT-كومپانيالارمەن ينۆەستيتسيالاۋ داعدىلارى تۋرالى ءوز بىلىمدەرىمەن بولىسەدى.

باعدارلاما ۆەنچۋرلىك ينۆەس­تي­تسيالاردىڭ نەگىزگى ماسەلەلەرىن، سالا ترەندتەرىن، زاڭدىق اسپەكتىلەردى قام­تيدى.

جالپى، وتكەن ءتورت اعىم ىشىندە Astana Hub قازىردىڭ وزىندە 116 كاسىپ­كەردى، جاڭادان باستاعان ينۆەستورلاردى جانە ءىرى كومپانيالاردىڭ باسشىلارىن ينۆەستيتسيالاۋ داعدىلارىنا ۇيرەتتى. بيىلعى ءبىلىم بەرۋ كۋرسىنا قاتىسۋعا 180-نەن استام ءوتىنىم الىندى، قازىرگى ۋاقىتتا ولاردىڭ وتىنىمدەرىنە سكرينينگ جۇرگىزىلۋدە.

 

«ەگەمەن-اقپارات»

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار