قالا اكىمى مۇرات ايتەنوۆ مەملەكەت باسشىسى جازعى وليمپيادا ويىندارىندا جۇلدەگەر بولعان قازاقستاندىق سپورتشىلاردىڭ ەڭبەگىن ەرەكشە باعالاپ, مەملەكەتتىك ناگرادا تاعايىنداعانىن اتاپ ءوتتى.
ءتورت جىلدىقتىڭ باستى باسەكەسىندە ەل ءۇمىتىن اقتاعان دارحان ءاسادىلوۆ پەن سوفيا بەرۋلتسەۆا «قۇرمەت» وردەنىمەن ماراپاتتالعان. مەملەكەتتىك ناگرادانى قر پرەزيدەنتى قاسىم-جومارت توقاەۆتىڭ اتىنان قر مەملەكەتتىك حاتشىسى قىرىمبەك كوشەرباەۆ تابىستاعان بولاتىن.
مۇرات ايتەنوۆ وليمپياداشىلاردىڭ جەتىستىكتەرى ارقىلى كاراتە سپورتىنىڭ قالادا دامۋ دەڭگەيىن اتاپ, وسى ەڭبەكتەرى ءۇشىن قالا تۇرعىندارى اتىنان العىس ءبىلدىردى.
كەزدەسۋ بارىسىندا سپورتشىلارعا تۇرعىن ءۇي قورىنان «نۇرسات» شاعىن اۋدانىنان 1 بولمەلى پاتەر كىلتتەرى تابىستالدى.
كاراتە سپورتى وليمپيادا ويىندارىنا تۇڭعىش رەت ەنگىزىلگەن ەدى. دارحان مەن سوفيا – كاراتە تاريحىندا قازاقستاننان شىققان تۇڭعىش وليمپيادا جۇلدەگەرى.
