الياكبار ارتىق ۇلىنىڭ ايتۋىنشا ءحىح عاسىرعا ءتان قۇندى دۇنيەلەر اتا-بابالارىنان جانە ءوزى ءبىلىم الىپ جۇرگەن كەزەڭدە ۇستازدارىنىڭ بەرگەن كىتاپتارىنان جيناقتالىپتى. تاريحي دەرەكتەرى مول مۇرالاردى قورىق-مۋزەي قورىنا تابىستاپ, كوزدىڭ قاراشىعىنداي ساقتاپ بولاشاققا اماناتتاۋدى ءجون ساناعانىن جەتكىزدى.
الياكبار ارتىق ۇلى تابىستاعان جازبا ەسكەرتكىشتەر قاتارىندا الىشەر ءناۋايدىڭ ەڭبەكتەرى, سوفى اللاياردىڭ «ماسلاكۋل مۋتتاقين» (تاقۋالار جولى), «مۋحتاسار ال-ۋيقايا», مۇحاممەد (س.ا.ۋ.) پايعامبارىمىزدىڭ حاديستەرى تۋرالى, «دالايل حايريات» (جاقسىلىق دالەلدەرى), يسلام شارتتارى, اراب ءتىلىنىڭ سينتاكسيسى, «فيكھ» سىندى كىتاپتار مەن قولجازبالار بار.
مۋزەي ديرەكتورىنىڭ مىندەتىن اتقارۋشى ەرسىن بوتاباي ۇلى مۋزەي قورىنا تاپسىرىلعان باعا جەتپەس قۇندى كىتاپتار ءۇشىن الياكبار اقساقالعا زور العىسىن جەتكىزدى.
