ۇقك ءباسپاسوز قىزمەتىنىڭ مالىمەتى بويىنشا, دەپارتامەنت قىزمەتكەرلەرى تۇرعىن ۇيدەن جالعان قۇجاتتار (026/ۋ نىسانىنا سايكەس دياگنوز بەن ەمدەلۋ مەرزىمىن راستاۋ ءۇشىن اۋماقتىق امبۋلاتوريالىق-ەمحانالىق ۇيىمنىڭ دارىگەرلىك-كونسۋلتاتسيالىق كوميسسياسىنىڭ قورىتىندىلارى, شەتەل مەديتسينالىق ۇيىمدارىنان ەمدەلۋگە شاقىرۋ حاتتار, پتسر-تەستىلەر) جاسايتىن «جاسىرىن» تسەح اشقانى انىقتالعان. ولاردى كورونوۆيرۋس پاندەمياسىنا بايلانىستى كارانتين شەكتەۋلەر قولدانىلعان كەزەڭدە رەسەي فەدەراتسياسىمەن مەملەكەتتىك شەكارانى كەدەرگىسىز كەسىپ ءوتۋ ءۇشىن قازاقستان رەسپۋبليكاسىنىڭ ازاماتتارىنا ساتقان.
جۇرگىزىلگەن تىنتۋلەر بارىسىندا قازاقستاندىق جانە رەسەيلىك مەديتسينالىق ۇيىمداردىڭ مورلەرى, وبلىستىڭ كلينيكالىق-دياگنوستيكالىق زەرتحاناسى مەن ەمحاناسىنىڭ پتر-تەستىلەرىنىڭ قورىتىندىلارى الىندى.
وسى دەرەك جونىندە قر قك-نىڭ 394-بابى 2-بولىگى «ادامدار توبى الدىن الا ءسوز بايلاسىپ جاساعان زاڭسىز كوشى-قون» دەرەگى بويىنشا سوتالدى تەرگەۋ جۇرگىزىلىپ جاتىر.
