جولداۋدا پرەزيدەنت ق.توقاەۆ پاندەميادان كەيىنگى كەزەڭدەگى ەكونوميكالىق احۋالعا نازار اۋدارىپ, ەكونوميكالىق ساياساتتىڭ باستى باعىتتارى مەن دامۋ تەندەنتسياسىنا ەرەكشە توقتالىپ ءوتتى.
قازىرگى قيىن جاعدايدا دەنساۋلىق ساقتاۋ جۇيەسىنىڭ تۇيتكىلدى ماسەلەلەرىن جۇيەلى تۇردە شەشۋدىڭ ماڭىزدىلىعىنا توقتالدى.
پرەزيدەنت نازارىنان ساپالى ءبىلىم بەرۋ ماسەلەسى دە قالمادى. وندا ۇستازداردى قولداۋ ساياساتى, قاشىقتان وقىتۋ ماسەلەلەرى, ءبىلىم بەرۋ جۇيەسىنە بىلىكتى مامانداردى تارتۋ, عىلىمدى دامىتۋ, قارجىلاندىرۋدىڭ زامانعا ساي بولۋ قاجەتتىلىگىن ناقتىلاپ بەردى.
وڭىرلىك ساياساتتىڭ ەرەكشەلىگى, مەملەكەتتىك باسقارۋ جۇيەسىن ودان ءارى جەتىلدىرۋ, ازاماتتاردىڭ تۇرمىس ساپاسىن ارتتىرۋ مىندەتتەرىن ايقىنداپ بەردى. سونىمەن قاتار مەملەكەت باسشىسى ساياسي جاڭعىرۋ مەن ادام قۇقىن قورعاۋ ماسەلەسىنە دە ەرەكشە توقتالىپ, ونىڭ دامۋ قارقىنىنا ءوزىنىڭ باعاسىن بەردى.
ادام قۇقىن قورعاۋ ءىسىن جەتىلدىرۋگە باعىتتالعان ستراتەگيالىق باعدارلامانى ودان ءارى جۇزەگە اسىرۋدىڭ ماڭىزدىلىعىن اتاپ ءوتتى. جولداۋدىڭ اسا ماڭىزدى سالاسىنىڭ ءبىرى «ۇلتتىڭ ۇيىسۋى – ودان ءارى دامۋدىڭ باستى فاكتورى», دەپ اتالادى. قازىرگى اقپاراتتىق جانە ساندىق تەحنولوگيا دامىپ, ينتەرنەت پەن الەۋمەتتىك جەلى ۇلتارالىق قاتىناستارعا ءوز ىقپالىن تيگىزىپ وتىرعان جاعدايدا مەملەكەت باسشىسىنىڭ رەسمي كوزقاراسى مەن ەل ىشىندە جۇرگىزىپ وتىرعان ساياساتى تۋرالى ەستۋ ءاربىر قازاقستاندىق ءۇشىن ماڭىزدى دەپ ەسەپتەيمىن. باستى يدەيا – قوعامنىڭ ءبىر ۇلت بولىپ ۇيىسا ءبىلۋى, ءوزارا سىيلاستىق پەن تاتۋلىق, ەتنوسارالىق قاتىناستاردىڭ ۇيلەسىمدى دامۋىن قامتاماسىز ەتۋ. بۇل – ەلىمىزدە جۇرگىزىلىپ كەلە جاتقان ۇلتتىق ساياساتتىڭ باستى قاعيدالارى.
تاۋەلسىزدىكتى باياندى ەتۋدىڭ, ەلدىڭ تۇتاستىعى مەن بىرلىگىن قامتاماسىز ەتۋدىڭ باستى نەگىزى ەكەنىن مەملەكەت باسشىسى ق.توقاەۆ قازاقستاندىقتاردىڭ ەسىنە تاعى ءبىر سالىپ ءوتتى. سوندىقتان دا الاۋىزدىق پەن راديكالدىق سيپاتتاعى كوزقاراستاردىڭ الدىن الىپ, ولارعا قۇقىقتىق تۇرعىدان باعا بەرۋدىڭ ماڭىزدىلىعىن ەسكەرتتى.
ادامدى تىلىنە, ۇلتىنا, ناسىلىنە قاراپ كەمسىتۋگە, بىرەۋدىڭ نامىسىنا تيۋگە جول بەرمەيمىز, زاڭ بويىنشا جاۋاپقا تارتامىز دەگەن ويىن قازاقستاندىقتارعا جەتكىزە ءبىلدى. بۇل – بەكەرگە ايتىلعان ءسوز ەمەس. مۇنداي ۇستانىمدى قازاقستاندىقتاردىڭ باسىم كوپشىلىگى قولدايتىنىن دا جەتكىزدى.
وسى جولدا ەل اعالارىنا, زيالى قاۋىم وكىلدەرىنە دە ۇلكەن سەنىم ارتىپ وتىرعانىن ايتا كەتكەن ءجون. اداسقانعا ءجون سىلتەپ, جاستارعا باعىت-باعدار بەرۋ, ءبىراۋىز سوزبەن تەنتەگىن تىيىپ, تەكتىسىن تورگە وزدىرۋ تاتۋلىق پەن كەلىسىم كەپىلى ەكەندىگىن دە ەسكە سالدى. قازاقستان حالقى اسسامبلەياسىنىڭ بۇل سالاداعى ءرولى ەرەكشە ەكەندىگىن دە ەسكەرتتى.
تولەۋعالي قايىرجان ۇلى,
قحا عسك مۇشەسى, فيلوسوفيا عىلىمدارىنىڭ دوكتورى, پروفەسسور
