بۇعان قىزمەت كورسەتۋ سەكتورىندا كورسەتكىشتەردىڭ 50,7-گە (شىلدەدە – 51,1) جانە ونەركاسىپتە 49,1-گە دەيىن (شىلدەدە – 50,5) قىسقارۋى اسەر ەتتى. يندەكستىڭ قىزمەت كورسەتۋ سەكتورىندا ناشارلاۋى ەڭبەكپەن قامتۋ ءىسىنىڭ تومەندەۋىنە, ال ونەركاسىپتە جاڭا تاپسىرىستار مەن ءونىمنىڭ جانە جۇمىسپەن قامتۋ دەڭگەيىنىڭ قىسقارۋىنا, سونداي-اق جەتكىزىلىم مەرزىمدەرىنىڭ ۇلعايۋىنا بايلانىستى بولدى.
سوعان قاراماستان, جۇمىسپەن قامتۋ دەڭگەيى ۇلعايا تۇسكەندىكتەن قۇرىلىستاعى كورسەتكىش 51,9-عا دەيىن (شىلدەدە – 50,1) ءوستى.
ايماقتار اراسىندا تامىزدا 9 وڭىردە ىسكەرلىك بەلسەندىلىك جاقسارىپ, 8-ىندە ناشارلاعانى بايقالدى. ىسكەرلىك بەلسەندىلىكتىڭ ەڭ جوعارى دەڭگەيى – تۇركىستان وبلىسى (54,6) مەن شىمكەنت قالاسىندا (52,8), ەڭ تومەنى – اقتوبە وبلىسىندا (43,2).
2021 جىلدىڭ تامىز ايىندا رەسپوندەنتتەر ەلدە بيزنەس جۇرگىزۋ جاعدايىنىڭ جاقسارا تۇسكەنىن اتاپ ءوتتى. قازىرگى بيزنەس-جاعدايلاردى باعالاۋ بويىنشا جاۋاپتار تەڭگەرىمى 1,7 (شىلدەدە – 0,5) بولدى, بۇل جالپى قازاقستان بويىنشا كارانتين شارالارىن بەلگىلى ءبىر دەڭگەيدە جەڭىلدەتۋگە بايلانىستى. كاسىپورىندار ونىمگە/قىزمەتكە دەگەن سۇرانىستى, قارجىعا/كرەديتكە جانە كوممۋنيكاتسياعا قولجەتىمدىلىكتى وڭ باعالادى. ەسەسىنە, سالىق جۇكتەمەسى مەن بيزنەستى قورعاۋ ماسەلەلەرى تەرىس باعا الدى.
كاسىپورىنداردىڭ الداعى 6 ايداعى بيزنەس-جاعدايلارعا قاتىستى ءوپتيميزمى ناشار بولدى: كەلەشەكتەگى جاعدايلاردى باعالاۋ 17,6 (شىلدەدە – 21,1) بولدى. ناتيجەسىندە, ەكونوميكا بويىنشا بيزنەس-احۋال يندەكسى 9,5-كە دەيىن (شىلدەدە – 10,5) تومەندەدى.
2021 جىلدىڭ تامىزىندا ساۋالداماعا 462 كاسىپورىن قاتىستى: قۇرىلىستا – 67, ونەركاسىپتە – 175, كورسەتىلەتىن قىزمەتتە – 220.
«ەگەمەن-اقپارات»
