بالالار ءۇيىنىڭ ەكى تاربيەلەنۋشىسى اراسىنداعى جانجالدىڭ ۆيدەوسى جەلىدە تارادى. روليكتىڭ الماتىداعى «جانۇيا» مامانداندىرىلعان كەشەنىندە تۇسىرىلگەنى حابارلاندى.
الماتى قالالىق پوليتسيا دەپارتامەنتى تەرگەۋ جۇمىستارىنىڭ باستالعانىن ايتتى.
«اتالعان فاكتى بويىنشا مەدەۋ اۋداندىق پوليتسيا باسقارماسى تەكسەرۋ جۇمىستارىن باستادى. ۆيدەودا 2021 جىلعى 3 قىركۇيەكتە ورىن العان 2004 جانە 2005 جىلدارى تۋعان اتالعان بالالار ءۇيىنىڭ ەكى تاربيەلەنۋشىسىنىڭ اراسىنداعى جانجال تۇسىرىلگەنى انىقتالدى. بۇل فاكت تۋرالى پوليتسياعا بۇرىن ەشكىم حابار بەرگەن جوق. قازىرگى ۋاقىتتا ناقتى ءمان-جايلاردى انىقتاۋعا باعىتتالعان ءىس-شارالار كەشەنى جۇرگىزىلۋدە, ونىڭ ناتيجەلەرى بويىنشا زاڭناماعا سايكەس شارالار قابىلداناتىن بولادى», دەپ اتاپ ءوتتى پوليتسيا دەپارتامەنتىنىڭ ءباسپاسوز قىزمەتى.
