سوڭعى كەزدەرى ءجيى ءسۇرىنىپ جۇرگەن زارينا دياس ليۋكسەمبۋرگتە جۇلدە قورى 189 708 ەۆرونى قۇرايتىن WTA تۋرنيرىندە باق سىناۋدا. تۇساۋكەسەر كەزدەسۋىن سلوۆاكيانىڭ سۇلۋى اننا شميدلوۆاعا قارسى وتكىزگەن ول 6:0, 1:6, 6:4 ەسەبىمەن جەڭىسكە جەتتى. بۇل ماتچ 2 ساعات 11 مينۋتقا سوزىلدى.
ەكىنشى اينالىمدا دياس بەليندا بەنچيچپەن كەزدەسەدى. قازىرگى كەزدە الەمدىك رەيتينگتە 11-ورىندا تۇرعان 24 جاستاعى شۆەيتساريانىڭ تەننيسشىسى بيىل توكيودا الاۋى تۇتانعان وليمپيا ويىندارىنىڭ جەڭىمپازى اتاندى. سونداي-اق ول 2019 جىلى اقش-تىڭ اشىق بىرىنشىلىگىنىڭ جارتىلاي فينالدىق مەجەسىنە دەيىن جەتتى.
ەلىمىزدىڭ ەكىنشى راكەتكاسى يۋليا پۋتينتسەۆا سلوۆەنيانىڭ پورتوروجە قالاسىنداعى ءتۋرنيردىڭ العاشقى كەزەڭىندە فرانتسيالىق جاكلين كريستياندى قاپى قالدىردى – 6:4, 6:4. ەندى ول ۇلىبريتانيالىق كەتي بۋلتەرمەن شەبەرلىك بايقاسادى.
