جانۋارلاردى قورعاۋشىلاردىڭ ايتۋىنشا, تۇندە قايىق پەن گيدروتسيكلدەرگە مىنگەن اڭشىلار دەلفيندەر وتارىن سكالافوردۋر اۋىلىنداعى جاعاجايعا قۋىپ, بارلىعىنىڭ كوزىن جويعان.
بۇل كيت اۋلاۋعا رۇقسات ەتىلگەن ارالداردا عانا ەمەس, الەم بويىنشا دەلفيندەردىڭ ەڭ ۇلكەن اۋلانۋى ەكەنى اتاپ ءوتىلدى. بۇعان دەيىن 1940 جىلى 1200 دەلفين ولتىرىلگەن.
بەلگىلى بولعانداي, دەلفيندەردى اۋلاۋ زاڭسىز بولعان. سەبەبى اڭشىلاردىڭ كوپشىلىگى ليتسەنزياسىز جۇمىس ىستەگەن. ليتسەنزيا فارەر ارالدارىندا دەلفيندەردى قيناماي, تەز ولتىرۋگە ۇيرەتىلگەن ادامدارعا عانا بەرىلەدى. مۇنداي تۇجىرىمدار فوتوسۋرەتتەر مەن بەينەجازبالار نەگىزىندە جاسالدى, ولار جارالانعان دەلفيندەردىڭ كوپشىلىگى جاعاعا شىعىپ, ءتىرى قالعانىن جانە قوزعالىسىن جالعاستىرعانىن كورسەتەدى. سونداي-اق كادرلاردا كەيبىر دەلفيندەردىڭ موتورلى قايىقتاردان جاراقات العانى, سونىڭ سالدارىنان ولار باياۋ جانە قيناپ ولگەنى كورسەتىلگەن.
