قوعام • 15 قىركۇيەك، 2021

يگى باستامالارعا قىزىعۋشىلىق ءبىلدىردى

30 رەت كورسەتىلدى

الماتى قالاسىندا جاستار رەسۋرستىق ورتالىقتارى (جرو) قىزمەتىنىڭ تيىمدىلىگىن ارتتىرۋ بويىنشا وقىتۋ سەمينارلارى ۇيىمداستىرىلۋدا. سەميناردىڭ ءبىرىنشى كۇنى مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىنىڭ نەگىزگى باعىتتارىن، سونداي-اق ونى ىسكە اسىرۋ ماسەلەلەرىن تالقىلاۋعا ارنالدى.

وڭىرلىك جاستار رەسۋرس­تىق ورتالىقتارىنىڭ قاتى­سۋ­شىلارى مەن باسشىلارى مەملەكەت باسشىسىنىڭ جاس­تار­دى قولداۋ جونىندەگى باس­ت­ا­مالارىنا ەرەكشە نازار اۋداردى.

جاستار ءبىلىم، عىلىم، تسي­فر­­لى تەحنولوگيالار، كرەا­تيۆ­تى يندۋستريا جانە رۋ­حاني-ادامگەرشىلىك تاربيە سياقتى ماڭىزدى الەۋ­مەت­تىك سالالاردا، سونداي-اق جولداۋدى ىسكە اسىرۋدا جاس بەلسەندىلەردىڭ قاتىسۋ ماسەلەلەرى بويىنشا ءوز پىكىرلەرىمەن ءبولىستى. مەم­لەكەت باسشىسى العا قوي­عان جاڭا مىندەتتەردى ەس­كە­رەتىندەي مەملەكەتتىك جاس­­تار ساياساتىنىڭ نەگىزگى با­­عىت­تارىن تالقىلاۋ جوس­پار­لانۋدا. ءبىرىنشى كەزەكتە، جاس­تار ساياساتى سالاسىنداعى جەرگىلىكتى اتقارۋشى ورگاندار قىزمەتىنىڭ تيىمدىلىگىن ولشەۋ­دىڭ ماڭىزدى قۇرالىنا اي­نالاتىن جاستاردىڭ دامىتۋ يندەكسى قارالادى. سونداي-اق «جاستار» عزو ساراپ­شىلارى ازىرلەيتىن NEET ساناتىنداعى جاستاردى انىقتاۋ مەن ەسەپ­تەۋ­دىڭ جاڭا ءادىسناماسىن زەردەلەۋ تالقىلانادى.

جرو جۇمىسىنىڭ ساپاسىن ارتتىرۋ ماسەلەلەرىنە ارنالعان سەمينار-ترەنينگ الماتى قالاسى جاستار سايا­ساتىن دامىتۋ مەملەكەتتىك قو­رىنىڭ الاڭىندا وتۋدە.

سەمينارلاردىڭ ۇيىمداس­تى­رۋشىسى – اقپارات جانە قو­عام­دىق دامۋ مينيسترلىگىنىڭ قول­داۋىمەن «جاستار» عىلىمي-زەرتتەۋ ورتالىعى. ايتا كەتەيىك، بارلىق سەمي­نار­لار سانيتارلىق-ەپي­دە­­ميالىق نورمالاردى قا­تاڭ ساقتاي وتىرىپ، Ashyq جۇ­يە­سىن پايدالانا وتى­رىپ وتكى­زىلۋ­دە.

 

«ەگەمەن-اقپارات»

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار