ساياسات • 15 قىركۇيەك، 2021

بايقاۋ جەڭىمپازدارى ماراپاتتالدى

19 رەت كورسەتىلدى

ەلوردادا «قازاقستانداعى كليماتتىڭ وزگەرۋى» تاقىرىبىمەن وتكەن باق وكىلدەرى اراسىنداعى بايقاۋدىڭ قورىتىندىسى جاريالاندى. بايقاۋدى بۇۇ-نىڭ قازاقستانداعى وكىلدىگى ۇيىمداستىردى.

بايقاۋ قورىتىندىسىن بۇۇ-نىڭ قازاق­ستان رەسپۋبليكاسىنداعى تۇراقتى ۇيلەس­تى­رۋشىسى ميكاەلا فريبەرگ-ستوري جاريالادى. ونىڭ ايتۋىنشا، بايقاۋعا كوپتەگەن ماقالا كەلىپ تۇسكەن.

«بايقاۋ كەزىندە بۇكىل قازاقستاننان جال­پى سانى 50-گە جۋىق ماقالا كەلىپ ءتۇستى. ما­تەريالداردىڭ ءبارى بۇۇ-نىڭ مۇقيات سۇزگىسىنەن ءوتتى. باعالاۋ وڭاي بولعان جوق. كليماتتىڭ وزگەرۋى، بيوالۋاندىق، ەكوجۇيەنى ساقتاۋ ماسەلەلەرىن قوزعاعان، تەرەڭ وي تۋىنداتاتىن ماقالالار كوپ كەلدى. سوندىقتان جەڭىمپازدىڭ انىقتاۋ قيىنعا سوقتى. ءبىز بۇل ماقالالاردىڭ شىعارماشىلىق دەڭگەيىنە، زەرتتەۋدىڭ تەرەڭدىگىنە، ستيلىنە ءمان بەردىك. ويتكەنى بۇل ماقالالار مەملەكەت قايراتكەرلەرىن، وزگە دە تۇلعالاردى بۇل پروبلەماعا بەيجاي قاراماۋعا شابىتتاندىرۋى كەرەك ەدى»، دەدى بۇۇ وكىلى.

سونىمەن Elorda aqparat اقپارات اگەنتتىگىنىڭ ءجۋرناليسى دۋلات تولەپوۆ بايقاۋدىڭ ءۇشىنشى ورىن يەگەرى اتاندى. وعان بۇۇ سەرتيفيكاتى مەن 350 مىڭ تەڭگەنىڭ ۆاۋچەرى بەرىلدى. ەكىنشى ورىن يەگەرى CABAR Asia ءتىلشىسى زۋلفيا رايسوۆاعا 650 مىڭ تەڭگە ۆاۋچەرى بۇيىردى. ءبىرىنشى ورىن العان Astana Times گازەتىنىڭ ءجۋرناليسى جاننا شاياحمەتوۆاعا 1 ملن تەڭگە سىياقى بۇيىردى.

ء«بىرىنشى ورىن يەگەرى 10 جىل بويى ومارتاشىلىقپەن اينالىسىپ كەلە جاتقان الماتى وبلىسى كاسىپكەرىنىڭ جەكە اڭگىمەسى بويىنشا كەرەمەت ماقالا ازىرلەگەن. بۇل شابىتتاندىرارلىق اڭگىمە – ەكونوميكالىق قۇندىلىق، ەكوجۇيەنى قۇرمەتتەۋ مەن ادامدارعا جانە تابيعاتقا پايدا اكەلۋ سياقتى ىزگى ويلاردىڭ ۇيلەسىمى. وعان گلازگو قالاسىندا وتەتىن سور26 شاراسىنا ساپارعا جولداما جانە 1 ميلليون تەڭگەلىك ۆاۋچەر بەرىلدى»، دەدى ميكاەلا فريبەرگ-ستوري.

 

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار