تاراپتار قازاقستان دەلەگاتسياسىنىڭ بەلارۋس رەسپۋبليكاسىنا مال شارۋاشىلىعى سالاسىنداعى بەلارۋس تەحنولوگيالارىمەن, تاۋارلى ءسۇت فەرمالارىنا ارنالعان جابدىقتار وندىرىسىمەن تانىسۋ ماقساتىنداعى جۇمىس ساپارىن ۇيىمداستىرۋعا كەلىستى. سونداي-اق, ورتالىق ازيا مەن تاياۋ شىعىستا بالاماسى جوق ۆەتەرينارلىق ۆاكتسينالار شىعاراتىن بىرەگەي زاۋىت قۇرۋ جوباسى تالقىلانىپ, «بەلارۋس ۇلتتىق بيوتەحنولوگيالىق كورپوراتسياسى» جاق-نىڭ قىزمەتىمەن تانىستى.
سونداي-اق ولار قازاقستاندا بەلارۋس اۋىل شارۋاشىلىعى كورمەسى مەن اگرارلىق فورۋمىن وتكىزۋدىڭ شارتتارى مەن ۋاقىتىن ايقىندادى.
ەكى ەل اراسىنداعى سالاعا قاتىستى ءوزارا ءىس-قيمىل اۋىل شارۋاشىلىعى مەن ازىق-ت ۇلىك سالاسىنداعى ىنتىماقتاستىق تۋرالى كەلىسىم شەڭبەرىندە جۇزەگە اسىرىلادى.
ستاتيستيكا ورگاندارىنىڭ دەرەكتەرى بويىنشا قازاقستان مەن بەلارۋس اراسىنداعى اۋىل شارۋاشىلىعى ونىمدەرى مەن اۋىل شارۋاشىلىعى شيكىزاتىن قايتا وڭدەۋ ونىمدەرىنىڭ تاۋار اينالىمى 2021 جىلدىڭ قاڭتار-ماۋسىم ايلارىندا 125,9 ملن اقش دوللارىن قۇرادى. بۇل 2020 جىلدىڭ سايكەس كەزەڭىمەن سالىستىرعاندا 23,5%-عا ارتىق (101,9 ملن اقش دوللارى).
