قازاقستاننىڭ ويىنشىلارى اراسىندا ەڭ ۇزدىك ناتيجە ەلەنا رىباكيناعا تيەسىلى. WTA رەيتينگىندە ول 17-ورىندى يەلەنگەن. نيۋ-يوركتەگى جارىستا جەرلەسىمىز ءۇشىنشى كەزەڭگە دەيىن جەتكەن ەدى. ەلىمىزدىڭ ەكىنشى راكەتكاسى يۋليا پۋتينتسەۆا بىردەن 11 ساتىعا تومەندەپ, قازىرگى كەزدە ول 44-ورىندى قاناعات تۇتۋدا. زارينا دياس 105-ورىندى ەنشىلەۋدە.
اتر رەيتينگىندە الەكساندر بۋبليك 34-ساتىعا تابان تىرەدى. بۇل ونىڭ سپورتتىق مانسابىنداعى ەڭ ۇزدىك كورسەتكىشى. وكىنىشكە قاراي, وزگە وتانداستارىمىزدىڭ ناتيجەسى ۋاقىت وزعان سايىن ناشارلاپ كەلەدى. ماسەلەن, تانىمال تەننيسشى ميحايل كۋكۋشكين 142 ورىنعا جايعاستى.
ەرلەر اراسىنداعى ۇزدىكتەر ءتىزىمىن سەربيالىق نوۆاك دجوكوۆيچ, رەسەيلىك دانيل مەدۆەدەۆ جانە گرەكيالىق ستەفانوس تسيتسيپاس باستاپ تۇرسا, ايەلدەر سايىسىندا اۋستراليالىق ەشلي بارتي, بەلارۋسسيالىق ارينا سوبولەنكو جانە چەحيالىق كارولينا پليشكوۆانىڭ وزگەلەردەن كوشى ىلگەرى.
