سپورت • 14 قىركۇيەك، 2021

قازاقستان شاحماتشىلارىنىڭ اقش قۇراماسىنا ءالى جەتپەدى

23 رەت كورسەتىلدى

قازاقستان قۇراما كومانداسى ونلاين فورماتىندا ءوتىپ جاتقان شاحماتشىلار وليمپياداسىنىڭ شيرەك فينالىندا ءسۇرىندى، دەپ حابارلايدى Egemen.kz.

توپتىق تۋرنيردە ايدى اسپانعا شىعارىپ، ءبىرىنشى ورىندى يەلگەنگەن جەرلەستەرىمىز بۇل مەجەدە اقش قۇراماسىمەن شەبەرلىك بايقاستى. العاشقى ميكروماتچتا ءبىزدىڭ ويىنشىلار 4:2 ەسەبىمەن جەڭىسكە جەتتى. وسى ورايدا رينات جۇماباەۆ، جانسايا ابدىمالىك، رامازان جالماحانوۆ جانە ءبيبىسارا اسۋباەۆا قارسىلاستارىنان باسىم تۇسكەنىن ايتا كەتۋ ابزال. 

ەكىنشى كەزدەسۋدە جالماحانوۆ پەن اسۋباەۆا باسىمدىق تانىتسا، رۋستام حۋسنۋتدينوۆ تەڭ ءتۇستى. ال جۇماباەۆ، ابدىمالىك جانە دينارا سادۋاقاسوۆا ەسە جىبەردى. ەسەپ – 2،5:3،5.

شەشۋشى باسەكەدە جانسايا مەن دينارا ۇپاي السا، قالعان شاحماتشىلارىمىز جەڭىلىپ قالدى – 2:4. ناتيجەسىندە قازاقستان قۇراماسى جارىس جولىنان شىعىپ قالدى.  

جارتىلاي فينالدا ءۇندىستان مەن اقش جانە قىتاي مەن رەسەي قۇرامالارى باق سىناسادى.    

ەستەرىڭىزگە سالا كەتەيىك، بۇل جارىستا قازاق ەلى نامىسىن رينات جۇماباەۆ، دەنيس ماحنەۆ، جانسايا ابدىمالىك، دينارا سادۋاقاسوۆا، رامازان جالماحانوۆ جانە ءبيبىسارا اساۋباەۆا سىندى شەبەرلەر قورعادى. ال قوسالقى قۇرامدا رۋستام حۋسنۋتدينوۆ، مۇرتاس قاجىعالەەۆ، گ ۇلىسحان ناقباەۆا، گۇلميرا داۋلەتوۆا، قازىبەك نوگەربەك جانە مەرۋەرت كاماليدەنوۆا وينادى.

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار