جىلىتۋ ماۋسىمىنا ازىرلىك بويىنشا جۇرگىزىلىپ جاتقان جۇمىستار تۋرالى ەنەرگەتيكا ءمينيسترى ماعزۇم مىرزاعاليەۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, اتىراۋ وبلىسىنىڭ اكىمى ماحامبەت دوسمۇحامبەتوۆ, قاراعاندى وبلىسىنىڭ اكىمى جەڭىس قاسىمبەك, پاۆلودار وبلىسىنىڭ اكىمى ابىلقايىر سقاقوۆ باياندادى.
وڭىرلەردە 10 مىڭنان استام اۆتونومدى قازاندىق نەمەسە 99%-ى, 45,6 مىڭنان استام تۇرعىن ءۇي (94%) دايىندالدى. 3,8 مىڭ كم جىلۋ جەلىلەرى (96%), 13,6 مىڭ كم سۋمەن جابدىقتاۋ جەلىلەرى (99%) جوندەلدى. جىلىتۋ ماۋسىمىنا 11,1 مىڭنان استام (99%) ءبىلىم بەرۋ وبەكتىلەرى جانە 5,7 مىڭ (99%) دەنساۋلىق ساقتاۋ وبەكتىلەرى دايىندالدى. كومىر ءوندىرۋشى كومپانيالار 68 ملن توننا كومىر ءوندىردى.
تۇتىنۋشىلاردىڭ كوممۋنالدىق قىزمەتتەر ءۇشىن بەرەشەگى 14,4 ملرد تەڭگەنى قۇرايدى. ەڭ كوپ دەبيتورلىق بەرەشەك الماتى قالاسىندا – 2,88 ملرد تەڭگە, نۇر-سۇلتان قالاسىندا – 2,56 ملرد تەڭگە, شىمكەنت قالاسىندا – 2,47 ملرد تەڭگە جانە قىزىلوردا وبلىسىندا – 1,55 ملرد تەڭگە.
«جالپى وڭىرلەردىڭ اكىمدىكتەرى تۇرعىن ءۇي-كوممۋنالدىق شارۋاشىلىق, ءبىلىم بەرۋ, الەۋمەتتىك سالا وبەكتىلەرى مەن جىلۋ ەنەرگياسى كوزدەرىن جىلىتۋ ماۋسىمىنا دايىنداۋ بويىنشا جۇمىس جۇرگىزدى. وڭىرلەردە جىلىتۋ ماۋسىمى جوسپار بويىنشا باستالادى», دەدى ا. مامين.
ۇكىمەت باسشىسى اكىمدىكتەرگە ينجەنەرلىك جەلىلەردە, ءبىلىم بەرۋ, دەنساۋلىق ساقتاۋ وبەكتىلەرى مەن ۇيلەردە جوسپارلانعان جوندەۋ جۇمىستارىنىڭ ءبارىن بەلگىلەنگەن مەرزىمدە اياقتاۋدى, اسا قىسقا مەرزىمدە جىلىتۋ ماۋسىمىن وتكىزۋگە ازىرلىك پاسپورتتارىن الۋدى قامتاماسىز ەتۋدى جۇكتەدى.
پرەمەر-مينيستر بارلىق اۆتونومدى جىلۋ كوزدەرىن وتىننىڭ نورماتيۆتىك قورىمەن قامتاماسىز ەتۋدى, كومىر تاپشىلىعىنا جول بەرمەۋ ءۇشىن وڭىرلەردە كومىر جەتكىزۋشىلەرمەن بەلسەندى ءوزارا ءىس-قيمىل جاساسۋدى جانە كوممۋنالدىق-تۇرمىستىق قاجەتتىلىك ءۇشىن ءارى تۇرعىندارعا وتىن جەتكىزۋگە ۇدايى مونيتورينگ جۇرگىزۋدى تاپسىردى.
