قوستاناي وبلىسى تجد قوعاممەن بايلانىس توبىنىڭ مالىمەتىنشە, ءبىرىنشى قاباتتاعى قوقىس قۇبىرى شاحتاسىندا 15 شارشى مەتر اۋماقتا قوقىس ورتەنگەن.
جوعارى تەمپەراتۋرانىڭ اسەرىنەن قوقىس قۇبىرى 1-ءشى جانە 2-ءشى قاباتتار اراسىندا قۇلاعان. باسپالداقتار مەن تومەنگى قابات الاڭدارىن قويۋ ءتۇتىن باسىپ قالعان. جەلدەتۋ كانالدارى ارقىلى ءتۇتىن كىرەبەرىستىڭ جوعارعى قاباتتارىنا تەز تارالىپ, تۇرعىن ۇيلەرگە كىرگەن.
«اباي داڭعىلىنداعى كوپقاباتتى ۇيدە 10 قىركۇيەك كۇنى كەشكە ءورت شىققان. «101» پۋلتىنە ءورت تۋرالى حابارلاما ساعات 22:08-دە كەلىپ ءتۇستى, بەس مينۋتتان كەيىن ءورت سوندىرۋشىلەر وقيعا ورنىندا بولدى. ءورت سوندىرۋشىلەر جاعدايدى بىردەن باقىلاۋعا الدى. ءتۇتىن باسقان كىرەبەرىستەن ءۇي تۇرعىندارىن ەش كىدىرىسسىز كوشەگە شىعاردى. ادامداردىڭ جاعدايى قاناعاتتانارلىق, ەشكىم زارداپ شەككەن جوق. ساعات 22:36-دا ءورت تولىعىمەن ءسوندىرىلدى. ءورتتىڭ الدىن الا سەبەبى – تەمەكى شەگۋ كەزىندە وتتى ابايسىز قولدانۋ», دەلىنگەن حابارلامادا.
ءورتتى سوندىرۋگە قوستانايدىڭ ءۇش ءورت ءسوندىرۋ ءبولىمىنىڭ بولىمشەلەرىنەن 20 قىزمەتكەر مەن 6 تەحنيكا جۇمىلدىرىلدى.
