قوعام • 14 قىركۇيەك، 2021

«مەكتەپكە جول» اكتسياسىنا قاتىستى

16 رەت كورسەتىلدى

«قايىرىمدى ىستەر مارافونى» جالپىۇلتتىق جوباسىنىڭ قاتى­سۋشىلارى كۇزگى جاقسىلىق كۇنىن مەرەكەلەۋ اياسىندا «مەكتەپكە جول» اكتسياسىنا قاتىستى. اكتسيانى قازاقستاننىڭ ىسكەر ايەلدەر قاۋىمداستىعى ۇيىمداستىردى.

كوپ بالالى جانە از قامتىلعان وتباسىلاردان، سونداي-اق ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردان شىققان جۇزدەن استام بالا شامامەن 1 ملن تەڭگە سومادا اتاۋلى كومەكپەن قامتىلدى.

اكتسيا شىعىس قازاقستان، پاۆ­لودار، ماڭ­عىستاۋ، اقمولا جانە اتى­راۋ وبلىستارىندا ءوتتى. وسى­لايشا، الەۋمەتتىك سەبەپ بويىنشا مەكتەپكە كەلمەۋدىڭ الدىن الۋ ماق­ساتىندا جاڭا وقۋ جىلى قارساڭىندا جەرگىلىكتى وقۋشىلارعا جاسىنا قا­راي جەكە تاڭدالعان مەكتەپ فورماسى مەن ريۋكزاكتار، كەڭسە تاۋارلارى­نىڭ جيىنتىعى، سونداي-اق اقشالاي ­سەرتيفيكاتتار سىيعا تارتىلدى.

«اكتسيانىڭ ماقساتى بارلىق قا­­جەتتى زاتتاردى – كيىم-كەشەكتى، ريۋك­زاكتى، كەڭسە تاۋارلارىن جانە باس­قا قاجەتتىلىكتەرگە بەلگىلى ءبىر سوما­نى جيناۋ جانە ونى وتباسى­لا­رى قيىن تۇرمىستىق جاعدايعا ­تاپ بولعان بالالارعا ۇسىنۋ بولدى. بيىل بالالارعا ارنالعان جاڭا وقۋ جى­لى وفلاين رەجىمدە وتەدى. سوندىق­تان الەۋمەتتىك سەبەپتەر بويىنشا با­لالاردىڭ مەكتەپكە كەلمەۋىنىڭ الدىن الۋ ماقساتىندا ءبىز كۇزگى جاقسىلىق كۇنىن مەرەكە­لەۋ اياسىندا اكتسياعا باستاماشى بولدىق»، دەدى قازاقستاننىڭ ىسكەر ايەلدەر قاۋىم­داستىعىنىڭ پرەزيدەنتى راۋشان سارسەمباەۆا.

اكتسيانى ۇەۇ، قازاقستان حال­قى اسسامبلەيا­سىنىڭ وكىلدەرى، ءىرى كاسىپ­ورىندار جانە باسقا دا دەمەۋشىلەر، مەتسەناتتار قولدادى.

ەسكە سالا كەتەيىك، «قايىرىمدى ىستەر مارافونى» جالپىۇلتتىق جوباسى وسى جىلدىڭ اقپان ايىندا مەملەكەت باسشىسى قاسىم-جومارت توقاەۆتىڭ باستاماسىمەن قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا باستالعان بولاتىن. جوبا اقپارات جانە قوعامدىق دامۋ مينيسترلىگىنىڭ جانە ازاماتتىق باس­تامالاردى قولداۋ ورتالىعىنىڭ مۇ­رىندىق بولۋىمەن جۇزەگە اسىرىلۋدا.

جىل باسىنان بەرى مارافونعا 2،5 ملن-نان استام ادام قاتىسىپ، 202 مىڭعا جۋىق ازامات اتاۋلى كومەك الدى. مارافونعا كەز كەلگەن ادام قاتىسا الادى

 

«ەگەمەن-اقپارات»

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار