ءوڭىر تىنىسىن اشاتىن وركەندى جوبالار

2025 جىلعا قاراي وبلىستاعى وڭدەۋ ونەركاسىبىنىڭ كولەمىن 254,3 ملرد تەڭگەگە دەيىن ارتتىرۋ جوسپارلانعان. كوز­دەل­گەن مەجەگە قول جەتكىزۋ ءۇشىن ءوڭىر ەكونو­ميكاسىنا تىكەلەي ينۆەستيتسيا تارتۋ, وڭدەۋ ونەركاسىبىن دامىتۋ بويىنشا جۇمىستار جاندانباق.

وبلىسقا ينۆەستور قارجىسىن تارتۋدا اقتاۋ ارنايى ەكونوميكالىق ايماعىنىڭ ۇلەسى زور. ارنايى ەكونوميكالىق ايماعى اشىلعالى 200 ملرد تەڭگەدەن استام ينۆەستيتسيا قۇيىلعان. بۇگىندە بۇل ايماقتا 19 ءوندىرىس وشاعى جۇمىس ىستەپ تۇر. وندا 1 800-گە تارتا ادام ەڭبەك ەتۋدە. ال­داعى ۋا­قىتتا شەتەلدىك جانە وتاندىق ينۆەس­تور­لار­دىڭ قاتىسۋىمەن تاعى 14 جوبا جۇزەگە اسىرىلماق. ونىڭ 5-ەۋى بيىل ىسكە قوسىلادى.

سونداي-اق پرەزيدەنت جول­داۋى ماڭعىستاۋدا جاڭا كەن ورىن­دارى­نىڭ اشىلۋىنا دا تىڭ سەرپىن بەرمەك. مەملەكەت باسشىسى گەو­لو­گيا­لىق بارلاۋ جانە جەر قويناۋىن كەشەندى زەرتتەۋدى تاپسىردى. بۇل باعىتتا وزەن, جەتىباي, قالامقاس جانە تاعى دا باس­قا كەن ورىندارىندا گەولوگيالىق بار­لاۋ جۇمىستارى جۇرگىزىلمەك. اتالعان باس­تاما بۇگىندە وبلىستا ازىرلەنىپ جاتقان الەۋ­مەتتىك-ەكونوميكالىق دامۋ كەشەندى جوس­­پارىنا ەندى. بۇل ايماقتاعى مۇناي قورىن انىقتاۋعا, مۇناي مەن گاز ءوندىرۋ كو­لە­مىن ۇلعايتۋعا جانە مۇناي كومپانيا­لارىنا قىزمەت كورسەتەتىن مەكەمەلەردىڭ جۇ­مىس كولەمىن ارتتىرۋعا مۇمكىندىك بەرمەك.

ماڭعىستاۋلىقتار ءۇشىن جولداۋدا ايتىلعان تاعى ءبىر جاڭالىق استراحان-ماڭعىستاۋ» ماگيسترالدى سۋ قۇبىرىنىڭ جاڭعىرتىلۋى.

ەلىمىزدە 2030 جىلعا قاراي سۋ تاپشىلىعىنىڭ كولەمى 40 پايىزعا جەتۋى مۇمكىن. اتالعان ماسەلەنىڭ الدىن الۋ ءۇشىن پرەزيدەنت قاسىم-جومارت توقاەۆ جاڭا جولداۋىندا اتقارۋ­شى ورگاندارعا ناقتى تاپسىرمالار جۇك­تەدى. مەملەكەت باسشىسى «استراحان-ماڭعىس­تاۋ» ماگيسترالدى سۋ قۇبىرىنىڭ جاڭعىرتىلاتىنىن جانە كەندىرلىدە سۋ تۇشىتۋ زاۋىتىن سالۋ قاجەتتىگىن ايتتى.

قۇزىرلى ورىنداردىڭ اقپاراتىنا سۇيەنسەك, وڭىردە قازىر بۇل زاۋىتتىڭ جوبا­لىق-سمەتالىق قۇجاتتاماسى جاساق­تالۋدا. قۇنى 87 ملرد تەڭگە بولاتىن جوبا تاۋلىگىنە 50 مىڭ تەكشە مەتر سۋ تۇ­شى­تادى دەپ جوسپارلانىپ وتىر. كاسىپ­و­رىن ىسكە قوسىلعاندا جاڭاوزەن قالاسى تۇرعىندارىن تازا اۋىز سۋمەن قامتىپ, قالانىڭ تىرشىلىك نارىنە دەگەن سۇرانىسىن تولىق وتەمەك.

ماڭعىستاۋلىقتار ءۇشىن اۋىز سۋ ماسە­لەسى وتە وزەكتى, اسىرەسە جاز ايلارىندا سۋ تو­ڭى­­رە­گىنەن شۋ كەتكەن ەمەس. اقتاۋ قالاسى جا­نە وعان ىرگەلەس ورنالاسقان مۇنايلى, قا­را­ق­يا اۋداندارىنىڭ اۋىلدارىن اۋىز سۋ­مەن جەتكىلىكتى دەڭگەيدە قامتاماسىز ەتۋ ماق­ساتىندا «كاسپي» سۋ تۇشىتۋ زاۋى­تى­نىڭ قۋاتىن ەكى ەسە, ياعني 40 مىڭ تەكشە مەتر­گە دەيىن ۇلعايتۋ كوزدەلگەن ەدى. قازىر وسى باعىتتاعى جۇمىس جۇرگىزىلۋدە. جوبا­نى 2022 جىلدىڭ باسىندا اياقتاۋ جوسپارلانعان.

«قازمۇنايگاز» ۇلتتىق كومپانياسى «قارا­جان­باس» كەن ورنىندا تاۋلىگىنە 17 مىڭ تەك­شە مەتر سۋ تۇشىتاتىن زاۋىت سالۋ­دا. بۇل زاۋىت بيىل جىل سوڭىنا ىسكە قو­سى­لا­دى دەپ كۇتىلۋدە. وندىرىستەن اۋىسقان سۋ تۇر­­عىن­داردىڭ قاجەتىنە الىناتىن بولادى.

«ماەك-قازاتومونەركاسىپ» جشس-نە قاراستى تاۋلىگىنە 24 مىڭ تەكشە مەتر سۋ تۇشىتاتىن قوندىرعىسىن سالۋ جوسپارلانعان. قازىر جوبالىق-سمەتالىق قۇجاتتاماسى جاساقتالۋدا. قۇجات تولىق راسىمدەلىپ بىتكەننەن كەيىن جوبانى كەلەر جىلى باستاۋ كوزدەلگەن.

فورت-شەۆچەنكو قالاسىندا قۋاتى تاۋلىگىنە 5 مىڭ تەكشە مەتردى قۇرايتىن سۋ تۇشى­تۋ قوندىرعىسىن NKOK كوم­پا­نيا­سى­نىڭ وبلىس ءۇشىن الەۋمەتتىك قول­داۋ اياسىن­دا ىسكە اسىرۋ جوسپارلانىپ وتىر. ءدال وسىن­داي جوبا اقشۇقىر جانە سايىن شاپا­عاتوۆ ەلدى مەكەندەرىندە دە سالىنادى. تۇپ­قاراعان اۋدانىنا قاراستى اقشۇقىر اۋىلىندا تەڭىز جاعالاۋىندا 8 قۇدىق ىسكە قوسىلدى.

مۇنايلى اۋدانىنداعى باياندى اۋىلىندا وتكەن ايدا تاۋلىگىنە 3 مىڭ تەكشە مەتر سۋ تۇشىتاتىن مەمبرانا ىسكە قوسىلدى. بۇدان بولەك, باياندى اۋىلىندا قازىر تاۋلىگىنە مىڭ تەكشە مەترگە دەيىن سۋ تۇشىتاتىن مەمبرانا جۇمىس ىستەپ تۇر. اقپان ايىنىڭ باسىندا ىسكە قوسىلعان مەمبرانا «قۇيىلىس» جەراستى سۋ كەن ورنىنان كەلگەن سۋدى تۇشىتادى. بۇگىندە ول باياندى اۋىلىن اۋىز سۋمەن قامتاماسىز ەتىپ وتىر.

«سونىمەن قاتار «قۇيىلىس – مۇ­نايلى – اقتاۋ» باعىتىندا جاڭا سۋ قۇ­بى­رى تارتىلادى. وڭىردەگى سۋ كوز­دەرىن ىزدەس­تىرۋ-زەرتتەۋ جۇمىستارى قولعا الىندى.

جولداۋدا مەملەكەت باسشى­سى حالقى­مىزدىڭ ءال-اۋقاتىن ارت­تىرۋ­عا ارنالا­تىن 5 نەگىزگى باستامانى بەل­گىلەدى. 2022 جىل­­دىڭ 1 قاڭتارى­­نان باس­­تاپ ەڭ تو­مەنگى جالاقى مولشەرى 42 500 تەڭ­­گەدەن 60 مىڭ تەڭگەگە دەيىن كو­بەيەتىن بول­دى. ەڭبەك­اقىنىڭ ءوسۋى 19 365 ماڭ­عىس­تاۋ­لىق تۇر­عىنعا وڭ اسەرىن تي­گىز­بەك. سو­نىمەن قاتار ماڭ­عىس­تاۋ وب­لىسى بويىن­شا 52 مىڭ­نان استام ازا­مات­تىق قىزمەت­شىلەر­دىڭ (ما­دە­­نيەت قىز­مەتكەرلەرىنىڭ, مۇراعاتشى­لار­دىڭ, كىتاپحاناشىلاردىڭ, تەحنيكالىق قىز­مەت­كەرلەردىڭ, قورىق­شىلاردىڭ, كولىك جۇرگىزۋ­شىلەرىنىڭ) ەڭبەكاقىسى 2022 جىلدان 2025 جىلعا دەيىن 20 پايىزعا وسەتىن بولدى.

جولداۋدا زيالى قاۋىم وكىلدەرىنە ار­تى­لار جۇكتىڭ زور ەكەنى دە ايتىلدى. قا­زىر­­­گى عالامتور داۋىرىندە ءوسىپ كەلە جات­قان ۇر­­­پاق­قا مادەنيەتتىلىك, وتانشىلدىق, بى­لىم­گە قۇش­تارلىق, ەڭبەكقورلىق سياقتى قا­­سيەت­تەر­دى دارىپتەۋدە ۇلت زيالىلارى­نىڭ ءرولى زور.

ماڭعىستاۋ وبلىسى