امەريكاندىق ۇلتتىق داۋىل ورتالىعىنىڭ (NHC) مالىمەتتەرى بويىنشا, داۋىلدىڭ ەپيتسەنترىندەگى جەلدىڭ ەكپىنى ساعاتىنا 65 شاقىرىمعا جەتەدى.
داۋىل مەكسيكا شىعاناعىنىڭ جاعالاۋىنداعى كورپۋس كريستي مەن گالۆەستون قالالارى اراسىندا وتەدى دەپ كۇتىلۋدە. الايدا, NHC بولجامى بويىنششا «نيكولاس» حيۋستون مەن وعان جاقىن اۋداندار ءۇشىن سۋ تاسقىنىنىڭ ۇلكەن قاۋپىن تۋدىراتىنىن كورسەتتى. شتاتتىڭ بىرقاتار اۋداندارى ءۇشىن داۋىلدىڭ جاقىنداعانى تۋرالى ەسكەرتۋ جاريالاندى.
سينوپتيكتەردىڭ حابارلاۋىنشا, داۋىل تەحاستا جانە لۋيزيانانىڭ وڭتۇستىك-باتىسىندا نوسەر جاڭبىرعا اكەلىپ, ول اپتانىڭ ورتاسىنا دەيىن سوزىلۋى مۇمكىن.
لۋيزيانا گۋبەرناتورى دجون بەل ەدۆاردس شتاتتا توتەنشە جاعداي جاريالادى.
