فوتو: KCNA
KCNA رەسمي اقپارات اگەنتتىگى زىمىراندار دەمالىس كۇنگى سىناق كەزىندە 1500 شاقىرىمعا دەيىن ۇشقانىن حابارلادى.
بۇل سولتۇستىك كورەيانىڭ ازىق-ت ۇلىك تاپشىلىعى مەن ەكونوميكالىق داعدارىسقا قاراماستان, ءالى دە قارۋ جاساۋعا قابىلەتتى ەكەنىن كورسەتەدى.
اقش اسكەريلەرى سوڭعى سىناقتار حالىقارالىق قوعامداستىققا قاۋىپ توندىرەتىنىن, ال كورشى جاپونيا «الاڭداۋشىلىق» بار ەكەنىن ايتتى.
سولتۇستىك كورەيانىڭ «رودونگ سينمۋن» گازەتىندە زىمىراننىڭ فوتوسۋرەتتەرى جاريالاندى.
KCNA اگەنتتىگىنىڭ حابارلاۋىنشا, زىمىراندار - «ماڭىزدى ستراتەگيالىق قارۋ». سىناقتار سەنبى جانە جەكسەنبى كۇندەرى جۇرگىزىلگەن. ولار نىساناعا ءدوپ تيگەن.
سولتۇستىك كورەيالىق ساراپشى انكيت پاندانىڭ ايتۋىنشا, بۇل ەلدەگى يادرولىق وقتۇمسىقتى الىپ جۇرە الاتىن ءبىرىنشى قاناتتى زىمىران.
«بۇۇ قاۋىپسىزدىك كەڭەسىنىڭ سانكتسيالارى سولتۇستىك كورەياعا بالليستيكالىق زىمىرانداردى سىناۋعا تىيىم سالادى, بىراق ول تىزىمدە مۇنداي قاناتتى زىمىراندار جوق», دەپ جازادى ۆۆس.
