قازىرگى ۋاقىتتا بۇل كاسىپورىن قر بعم بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ سەرىكتەسى سانالادى.
بقپعزي «انتيگەن» الاڭىن پايدالانا وتىرىپ, مەديتسينالىق ۆاكتسينا, ونىڭ ىشىندە QazVac شىعارۋدىڭ تولىق تسيكلى بويىنشا ەكىنشى وندىرىستىك الاڭدى ازىرلەپ, ىسكە قوستى. وسى ماقساتتا الماتى وبلىسى اكىمدىگىنىڭ قولداۋىمەن جەڭىلدەتىلگەن نەسيە بويىنشا ۆاكتسينا وندىرۋگە ارنالعان جاڭا تەحنولوگيالىق جابدىقتار ساتىپ الىندى. اعىمداعى جىلدىڭ قىركۇيەك ايىندا قۋاتى ايىنا 1 ملن دوزاعا دەيىن جەتەتىن «انتيگەن» الاڭىندا QazVac ۆاكتسيناسىنىڭ 300 مىڭ ۆاليداتسيالىق سەرياسى شىعارىلدى.
حالىقارالىق ساپا ستاندارتتارى كاسىپورىنعا ءوندىرىستىڭ بارلىق ۋچاسكەلەرىندە جوعارى تەحنيكالىق دەڭگەيگە, ساپا مەن سەنىمدىلىككە قول جەتكىزۋگە مۇمكىندىك بەرەدى. «انتيگەن» عوك «OtarBioPharm» جشس جانىنداعى بيوفارماتسەۆتيكا زاۋىتىمەن قاتار بقپعزي ازىرلەگەن QazVac قازاقستاندىق ۆاكتسيناسىن شىعارۋ بويىنشا ەكىنشى وندىرىستىك الاڭعا اينالدى.
