قازاقستان • 13 قىركۇيەك، 2021

«31 ارناعا» جاڭا ديرەكتور تاعايىندالدى

قۇرمانبەك جۇماعالي «31 ارنانىڭ» جاڭا باس ديرەكتورى قىزمەتىنە تاعايىندالدى، دەپ حابارلايدى Egemen.kz.

«31 ارنا» قۇرمانبەك جۇماعاليدىڭ باس ديرەكتور قىزمەتىنە تاعايىندالعانىن جاريالادى.

«جاڭا تەلەۆيزيالىق ماۋسىمنىڭ باستالۋىمەن «31 ارناعا» قۇرمانبەك جۇماعالي باسشىلىق ەتەتىن توپ-مەنەدجەرلەردىڭ جاڭا كومانداسى كەلەدى. بۇل شەشىم ارنانىڭ دامۋىنا، اتاپ ايتقاندا، تەلەكورەرمەننىڭ وزگەرىپ وتىرعان ارتىقشىلىقتارىنا جانە باسەكەلەستىكتىڭ ارتۋى جاعدايىنداعى جاڭا سىن-قاتەرلەرگە سايكەس ارناداعى ءوز ءوندىرىسىنىڭ كونتەنتىنىڭ ساپاسى مەن سانىنىڭ وسۋىنە جاڭا سەرپىن بەرەتىنىنە سەنىمدىمىن»، دەدى «ۆەرنىي كاپيتال» كومپانيالار توبىنىڭ باس ديرەكتورى جانە «31 ارنا» باقىلاۋ كەڭەسىنىڭ مۇشەسى ەرلان وسپانوۆ.

باس ديرەكتور لاۋازىمىندا قۇرمانبەك جۇماعالي تۆ جانە ينتەرنەتتەگى اۋديتوريالىق كورسەتكىشتەردى ودان ءارى ارتتىرۋعا، قازاقستانداعى «31 ارنانىڭ» نارىقتىق ۇلەسىن ۇلعايتۋعا، جەكە ءوندىرىس ونىمدەرىنىڭ جەلىسىن كەڭەيتۋگە جانە جالپى بيزنەستىڭ تيىمدىلىگىن ارتتىرۋعا شوعىرلانادى.

«ەلىمىزدىڭ ەڭ تابىستى جانە تانىمال تەلەارنالارىنىڭ ءبىرى كومانداسىنىڭ مۇشەسى بولۋ مەن ءۇشىن ۇلكەن مارتەبە. مەن تەلەارنانىڭ ەلىمىزدەگى العاشقى وتباسىلىق ويىن-ساۋىق تەلەارناسى مارتەبەسىن قايتارىپ الۋداعى ءرولىمدى كورىپ وتىرمىن»، دەپ اتاپ ءوتتى قۇرمانبەك جۇماعالي.

قۇرمانبەك جۇماعالي 1985 جىلى 27 تامىزدا دۇنيەگە كەلگەن. «جۋرناليستيكا» ماماندىعى بويىنشا قازاق ۇلتتىق پەداگوگيكالىق ۋنيۆەرسيتەتىن بىتىرگەن. ءار جىلدارى «قازاقستان» تەلەارناسىندا رەداكتور، «حابار» اگەنتتىگىندە رەداكتور-جۇرگىزۋشى، ءتىلشى، قاراعاندى وبلىسى اكىمدىگىندە ءباسپاسوز قىزمەتىنىڭ باسشىسى قىزمەتىن اتقارىپ، «قازاق راديوسىن» باسقارعان.

جاڭا قىزمەتكە دەيىن ول «استانا» تەلەارناسىنىڭ باس ديرەكتورى بولعان.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز