تەحنولوگيا • 13 قىركۇيەك، 2021

اقپاراتتىق قاۋىپسىزدىك: وسال تۇستار جويىلدى

23 رەت كورسەتىلدى

قازاقستاننىڭ كيبەرقالقانى باعدارلاماسى اياسىنداعى «اقپا­راتتىق قاۋىپسىزدىكتىڭ جاڭا مو­دەلىن ەنگىزۋ (قايتا جۇكتەۋ)» تسيفر­­لى ترانسفورماتسيالاۋداعى نە­گىزگى جوبالارىنىڭ ءبىرىن ىسكە اسى­رۋ بويىنشا قورىتىندىلارى شىعارىلدى.

جوبا جەتەكشىسى، «قتج» ۇك» اق كور­پوراتيۆتىك قاۋىپسىزدىك دەپار­تا­مەنتىنىڭ باس مەنەدجەرى ورىنباسار جۇنىسبەكوۆ اقپاراتتىق قاۋىپسىزدىكتى باسقارۋ پروتسەستەرىن ەنگىزۋ كەزىندەگى نەگىزگى وزگەرىستەردى اتاپ ءوتتى. جوبا كومانداسى وسى سالاداعى حالىقارالىق ستاندارتتار مەن ۇزدىك تاجىريبەلەردى، سونداي-اق جوبالىق مەنەدجمەنت پەن وزگەرىستەردى باسقارۋ ءادىسناماسىن قولداندى. بۇل پروتسەستەردى ەنگىزۋدىڭ تيىمدىلىگى مەن تابىستىلىعىنىڭ ۇلە­سىن ەداۋىر ارتتىرۋعا مۇمكىندىك بەردى.

«قتج» ۇك» اق – «سامۇرىق-قازىنا» اق قورى توبىنىڭ ءبىرىنشى پورتفەلدىك كومپانياسى ورىن العان وقيعا تۋرالى اقپاراتتى انىقتالعان ساتتەن باستاپ 15 مينۋت ىشىندە «مەم­لە­كەتتىك تەحنيكالىق قىزمەت» اق جا­نىنداعى اقپاراتتىق قاۋىپسىزدىك ۇلت­تىق ۇيلەستىرۋ ورتالىعىنا اۆتومات­تى تۇردە بەرەدى. سونىمەن قاتار وسال­دىقتار مەن جاڭارتۋلاردى باس­قارۋ پروتسەسى جولعا قويىلىپ، اقپا­رات­تىق قاۋىپسىزدىك تالاپتارىنا ساي­كەس­سىزدىكتەر انىقتالۋدا. بۇگىندە ۇلت­­تىق كومپانيانىڭ اقپاراتتىق رە­سۋرس­­تارىنداعى 3 مىڭنان اسا قاۋىپتى وسال­دىق جويىلدى. كومپانيانىڭ ءباس­­پاسوز قىزمەتىنىڭ حابارلاۋىنشا، اق­پا­راتتىق قاۋىپسىزدىكتى رەتتەيتىن ىشكى قۇ­جاتتاردىڭ ورىندالماۋىنىڭ نە­گىزگى سەبەپتەرى ۇنەمى تالدانادى جانە جو­يىلادى. جاڭا پروتسەستەر مەن تەحنولوگيالار بويىنشا جۇمىس ىستەۋ ءۇشىن بىرتىندەپ جۇزەگە اسىرىلاتىن نۇس­قاۋلىقتار ازىرلەندى. «قتج» ۇك» اق فيليالى – «اۆتوماتتاندىرۋ جانە تسيفرلاندىرۋ ديرەكتسياسى» نەگىزگى پايدالانۋشىلارى ءۇشىن 20-دان استام ترەنينگ وتكىزىلدى.

– ءبىزدىڭ باستى مىندەتىمىز – قا­ۋىپ­سىزدىك ءوندىرىس پەن تاسىمالداۋ ما­­دە­نيەتىنە قوسىلعانى ىس­پەتتى كيبەر­قاۋىپسىزدىك تۋرالى حابار­دار­لىق­­تى ەنگىزۋ جانە ونى تەمىر جول سالاسى مادەنيەتىندە ۇستانۋ، – دەدى ورىن­باسار جۇنىسبەكوۆ. – اقپاراتتىق كۇن­گە قاتىسۋشىلاردى وندا تالقى­لان­­عان ماسەلەلەر قىزىقتىردى. تەمىر­جول­شىلار اقپاراتتىق قاۋىپسىزدىك پرو­تسەس­تەرىن ودان ءارى ەنگىزۋ قاجەتتىلىگىن تۇسىنەدى.

جوبا كومانداسى جەدەلدىگىنىڭ نا­تي­جەسىندە اتالعان جوبا بەلگىلەنگەن مەر­زىمنەن 4 اي بۇرىن، ياعني قىركۇيەك­تە اياقتالادى.

 

«ەگەمەن-اقپارات»

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار