تەحنولوگيا • 13 قىركۇيەك، 2021

تسيفرلاندىرۋ سالاسىنداعى ىنتىماقتاستىق

15 رەت كورسەتىلدى

جۋىردا «سامۇرىق-قازىنا» اق دەلەگاتسياسى ماسكەۋ قالاسىنا جۇمىس ساپارى اياسىندا «رەسەيدىڭ سبەربانكى»، Mail.ru جانە Yandex كومپانيالارىنىڭ باسشىلارىمەن كەزدەسۋلەر وتكىزدى.

قوعاممەن بايلانىس دەپارتامەنتىنىڭ حابارلاۋىنشا، قور جانە پورتفەلدىك كوم­پانيالاردىڭ وكىلدەرى «سبەر­ۋنيۆەر­سيتەت» كورپوراتيۆتىك ۋنيۆەرسيتەتىندە سبەر­­بانكتىڭ بيزنەس-ەكوجۇيەلەرىن قالىپ­تاس­تىرۋ تاجىريبەسى مەن تەحنولوگيالىق شە­شىمدەرىمەن تانىستى. تاراپتار قارجىلىق تەح­نولوگيالاردى دامىتۋ جولدارى مەن قار­جى ينستيتۋتىنىڭ تسيفرلى ونىمدەرى جانە ينفراقۇرىلىمدىق، پلاتفورمالىق قىزمەت تۇرلەرىن تالقىلادى.

جاھاندىق ترەندتەر مەن بولاشاق باع­دارىنا ساي «سامۇرىق-قازىنا» اق جەكە بيز­نەس-ەكوجۇيەلەرىن قالىپتاستىرىپ، جاڭا، قارجىلىق ەمەس جانە دەنساۋلىق ساق­تاۋ، ەنەرگەتيكا، سۋمەن قامتۋ، روبوتوتەح­نيكا جانە تسيفرلى قاۋىپسىزدىك سالالارىنداعى الەۋمەتتىك ماڭىزى بار قىزمەتتەردى دامى­تۋدى قولعا الماق. Mail.ru جانە Yandex تەحنولوگيالىق كومپانيالارىنىڭ باس­شى­لىعىمەن كەلىسسوزدەر بارىسىندا تاراپتار ءوزارا ءتيىمدى سەرىكتەستىك ماسە­لەلەرىن تالقىلاپ، مالىمەتتەردى وڭدەۋ ورتا­لىق­تارىنىڭ ينفراقۇرىلىمىن، «جاسىل ەكونوميكا» جانە مالىمەتتەردى ساقتاۋ تەحنولوگيالارىن دامىتۋ جولدارىن پىسىقتادى.

كەلىسسوزدەردىڭ قورىتىندىسى بويىنشا QazCloud جشس Mail.ru. تسيفرلىق تەحنولوگيالار» كومپانياسىمەن مەموراندۋمعا قول قويدى. قۇجاتقا سايكەس، قازاقستاندىق كومپانيالار Mail.ru Cloud Solutions پلاتفورماسىنا قول جەتكىزە الادى.

QazCloud جشس باس ديرەكتورى قاسىم ەسەرگەپوۆ اتاپ وتكەندەي، بۇگىنگى تاڭدا اشىق قودى بار مالىمەتتەردى ساقتاۋ پلاتفورمالارىنا دەگەن سۇرانىس ارتا تۇسكەن. بۇل ءىرى ينۆەستيتسيالاردى قاجەت ەتپەي، تسيفر­لى جوبالاردى جىلدام جۇزەگە اسى­رۋعا مۇمكىندىك بەرەتىن جاڭا قىزمەتتەر پلات­فورمالارىن (PaaS) قولجەتىمدى ەتەدى.

 

«ەگەمەن-اقپارات»

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار