يسپانيا بيلىگى كاتالونيانىڭ 2017 جىلى تاۋەلسىزدىك الۋعا قاتىستى وتكىزگەن رەفەرەندۋمىن زاڭسىز دەپ تاۋىپ, ونى ۇيىمداستىرعان توعىز كاتالوندىقتى تۇرمەگە جاپقان ەدى.
شەرۋگە قاتىسۋشىلاردىڭ كوپشىلىگى بەتپەردە كيگەن. پوليتسيانىڭ حابارلاۋىنشا, وعان 108 مىڭعا جۋىق ادام قاتىسقان. Nacional Catalana اسسامبلەياسىنىڭ ايتۋىنشا, جينالعاندار سانى 400 مىڭعا جۋىقتاعان. بۇل 2019 جىلعى شەرۋمەن سالىستىرعاندا تومەن. ول كەزدە بارسەلونا كوشەلەرىنە شامامەن 600 000-عا جۋىق ادام شىققان ەدى. بىلتىر كوروناۆيرۋس پاندەمياسىنا بايلانىستى نارازىلىق اكتسيالارى كەڭ كولەمدە وتكەن جوق.
نارازىلىق بارسەلونا مەن مادريد اراسىنداعى شيەلەنىس باسەڭدەگەندە ءوتىپ وتىر. تاياۋدا يسپانيا مەن كاتالونيا مامىلەگە كەلۋگە ىنتا تانىتقان ەدى. كەلەسى اپتادا تاراپتار بارسەلونادا جينالىپ, كاتالونيانىڭ ساياسي قاقتىعىسى بويىنشا كەلىسسوزدەر وتكىزبەك. يسپانيا پرەمەر-ءمينيسترى پەدرو سانچەس كەلىسوزگە قاتىساتىنىن نە قاتىسپايتىنىن ءالى راستاعان جوق.
