الماتىداعى ەپيدەميالىق احۋال قارالدى

الماتى قالاسى اكىمىنىڭ ورىنباسارى ەرجان باباقۇماروۆ حابار­لا­عانداي، قالادا كوروناۆيرۋسقا قارسى تۇرۋدىڭ مودەلى جانە كوۆيدكە قارسى ءىس-ارەكەت بويىنشا جۇيەلى جۇمىس قالىپتاستى. جەدەل جاردەم مەن العاشقى مەديتسينالىق-سانيتارلىق ءبولىمنىڭ جۇمىسى قايتا فورماتتالدى، ينفەكتسيالىق ستاتسيونارلار دەرت جۇقتىرعانداردىڭ اۋىرلىق جاعدايىنا قاراي ەشەلوندارعا ءبولىندى. تەلەمەديتسينا ورتالىعىنىڭ ماماندارى ۇيدەگى پاتسيەنتتەردى باقىلايدى. بارلىق كوۆيدتى گوسپيتالدار مەديتسينالىق گازدار، مەديتسينالىق قالدىقتاردى كادەگە جاراتۋ جانە اعىنداردى زالالسىزداندىرۋ جۇيەسىمەن جابدىقتالعان. مەديتسينالىق قۇرال-جابدىقتارمەن جابدىقتاۋ وسى جىلدىڭ 1 شىل­دە­سىندەگى جاعداي بويىنشا 91%-دى قۇرادى، ال الماتىداعى انەستەزيولوگيا، رەانيماتسيا جانە قارقىندى تەراپيا بولىمشەلەرىنىڭ جابدىقتالۋى 100%-دى قۇرايدى.

قابىلدانعان شارالار ينفەك­تسيانىڭ ءتورت تولقىنىن جەڭۋگە جانە كۆي بويىنشا سانيتارلىق-ەپيدە­ميالىق جاعدايدى تۇراقتاندىرۋعا مۇمكىندىك بەردى. بۇل رەتتە جوسپارلى مەديتسينالىق كومەك كورسەتۋ ساپاسىن جاقسارتۋ بويىنشا كەشەندى جۇمىستار جۇرگىزىلۋدە. انالار ءولىم-ءجىتىمىن ازايتۋ بويىنشا ينديكاتورلار مەن كورسەتكىشتەرگە قول جەتكىزۋ جونىندە شارالار قابىلداندى، قان اينا­لىمى جۇيەسى اۋرۋلارىنان بولا­تىن ءولىم-ءجىتىمدى تومەندەتۋ بويىنشا ءىس-شارالار جوسپارى جاسال­دى. مەديتسينالىق قىزمەت كور­سەتۋ ساپاسى مەن حالىقتىڭ قاناعات­تانۋشىلىعىن، مەديتسينالىق ۇيىم­داردى كورپوراتيۆتىك باسقا­رۋدىڭ تيىمدىلىگىن ارتتىرۋ شارالارى دا جۇرگىزىلۋدە.

مەديتسينالىق كادرلاردىڭ جەتىسپەۋشىلىگىن ازايتۋ ءۇشىن جول كارتاسى بەكىتىلدى جانە بيىل العاش رەت قالا اكىمىنىڭ گرانتتارىنا 120 رەزيدەنتتى قاجەت ماماندىقتار بو­يىنشا وقىتۋ ءۇشىن قارجى ءبولىندى.

كەڭەس بارىسىندا دەنساۋلىق ساقتاۋ ۆيتسە-ءمينيسترى اجار عينيات، دەنساۋلىق ساقتاۋ مينيسترلىگىنىڭ سانيتارلىق-ەپيدەميالىق با­قىلاۋ كوميتەتىنىڭ ءتورايىمى ايجان ەسماعامبەتوۆا بايانداما جاسادى.

كەڭەستى قورىتىندىلاي كەلە، پرەمەر-ءمينيسترىنىڭ ورىنباسارى ە.توعجانوۆ بىرقاتار پروبلەمالىق ماسەلەنى ايتىپ، ولاردى شەشۋ ءۇشىن شارالار قابىلداۋدى تاپسىردى. الماتى قالالىق قوعامدىق دەنساۋلىق ساقتاۋ باسقارماسى دەنساۋلىق ساقتاۋدى دامىتۋدىڭ مەملەكەتتىك باعدارلاماسى كورسەتكىشتەرىنە قول جەتكىزۋ ءۇشىن جۇمىسىن كۇشەيتۋى قاجەت. سەبد ەپيدەميالىق زەرتتەۋلەردىڭ ساپاسىن جاقسارتۋ قا­جەتتىلىگى كورسەتىلدى. ءمامس قالالىق فيليالىنا مەگاپوليس تۇرعىندارىن مەديتسينالىق ساقتاندىرۋمەن قامتۋ بويىنشا جۇمىستى كۇشەيتۋ تاپسىرىلدى.

ە.توعجانوۆ الماتى قالاسىنىڭ مەديتسينالىق قاۋىمداستىعىنا كۆي-مەن كۇرەسۋگە قوسقان ۇلەسى ءۇشىن العىسىن ءبىلدىردى، سونىمەن قاتار مەديتسينالىق قىزمەتتەردىڭ ساپاسىن جاقسارتۋ، مونيتورينگ توپتارىنىڭ جۇمىسىن كۇشەيتۋ جانە حالىقتى ۆاكتسينالاۋ بويىنشا بىرقاتار تاپسىرما بەردى.