وتكەن جۇما, 3 قىركۇيەك كۇنى ۆاحتالىق جۇمىسقا كەتكەن 39 جاستاعى قاراعاندىلىق جوعالىپ كەتتى. ول جۇمىسىنا بارماعان. جوعالعان ازاماتتىڭ تۋعان-تۋىستارى ول سوڭعى رەت قاراجال قالاسىنان حابارلاسقانىن حابارلاعان. قازىرگى ۋاقىتتا جىگىتتى ىزدەستىرۋ جۇمىستارى ءجۇرىپ جاتىر.
ونى وبلىستىق پوليتسيا دەپارتامەنتىنىڭ باسشىسى ەرلان فايزۋللين جەكە باقىلاۋىنا العانىن Facebook-تەگى پاراقشاسىندا مالىمدەدى.
ء«ىز-ءتۇزسىز جوعالعان ازاماتتى ىزدەۋگە ىشكى ىستەر دەپارتامەنتىنىڭ جەكە قۇرامى تۇگەل جۇمىلدىرىلدى. قازىرگى ۋاقىتتا وبلىستىق پوليتسيا دەپارتامەنتىنىڭ كريمينالدىق پوليتسيا باسقارماسى, جاڭاارقا اۋدانى, قاراجال قالالىق پوليتسيا ءبولىمى قىزمەتكەرلەرىنەن قۇرالعان ىزدەۋ توپتارى جۇمىس جۇرگىزىپ جاتىر.
سونداي-اق ازاماتتى ىزدەۋ جۇمىسىنا توتەنشە جاعدايلار دەپارتامەنتىنىڭ قىزمەتكەرلەرىمەن ەرىكتىلەر توبى دا جۇمىلدىرىلدى. سونىمەن قاتار ىزدەستىرۋ جۇمىسىنا اۋەگە تىكۇشاق كوتەرىلدى. بۇل باعىتتاعى جۇمىس باقىلاۋدا», دەپ جازىلعان دەپارتامەنت باسشىسىنىڭ جەكە پاراقشاسىندا.
ءوڭىردىڭ تانىمال بلوگەرى دە Facebook پاراقشاسىندا وسى جاعداي تۋرالى جازبا جاريالاعان. وندا ول جوعالعان جىگىت بيىل 14 ملن تەڭگەگە تەندەر ۇتقانىن تىلگە تيەك ەتەدى.
