وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 10 قىركۇيەك كۇنى ساعات 12:25-تە اقكول اۋداندىق ورتالىق اۋرۋحاناسىنىڭ مەدبيكەسىنەن «جابىق باس سۇيەك-مي جاراقاتى, باس ميىنىڭ شايقالۋى, باس سۇيەگىنىڭ سىنۋى» دياگنوزىمەن 14 جاستاعى ءجاسوسپىرىمنىڭ قابىلداۋ بولمەسىنە جەتكىزىلگەنى تۋرالى تەلەفون حابارى ءتۇستى.
انىقتالعانداي, 10 قىركۇيەكتە ساعات 10:00 شاماسىندا كامەلەتكە تولماعان بالا اقكولدەگى ج.بەكتۇروۆ اتىنداعى №3 ورتا مەكتەپكە كەلگەن. ەڭبەك شارتىن جاساسپاي مەكتەپ عيماراتىن جوندەۋمەن اينالىساتىن قوسالقى مەردىگەر ۇيىمنىڭ بريگاديرىنىڭ تاپسىرماسىن ورىنداعان.
تەحپەرسونالدىڭ ايتۋىنشا, كەيىنىرەك بالا عيماراتتىڭ توبەسىندە جۇرگەنىندە, اياعى تايىپ, جەرگە قۇلاعان. جەدەل مەديتسينالىق كومەكتى وقۋ ورنىنىڭ مەدبيكەسى شاقىردى. بۇگىنگى تاڭدا مەكتەپ قاشىقتان جۇمىس ىستەيدى. زارداپ شەككەن كامەلەتكە تولماعان بالا تاڭەرتەڭ بەينەكونفەرەنتسيا ارقىلى مەكتەپ ساباقتارىنا قاتىسقان. ال بالانىڭ مەكتەپ اۋماعىندا جۇرگەنىن مەكتەپ ديرەكتورى دا بىلمەگەن.
بالانىڭ زارداپ شەككەنىن وبلىستىق ءبىلىم باسقارماسىنداعىلار دا راستادى.
ء«يا, راسىندا دا, بۇل مەكتەپتە جوندەۋ جۇمىستارىن جۇرگىزۋ كەزىندە جۇمىسشى زارداپ شەكتى, ول مەكتەپ وقۋشىسى بولىپ شىقتى. قازىرگى ۋاقىتتا بالا ءوز-وزىنە كەلدى, جارىقتى سەزەدى, كوزىن اشادى. اۋداندىق اۋرۋحانا دارىگەرىنىڭ مالىمەتىنشە, ساناۆياتسيا دارىگەرى تەكسەرىپ, بالا وبلىستىق اۋرۋحاناعا تاسىمالداۋعا مۇقتاج ەمەستىگىن ايتتى. وسى وقيعا بويىنشا اۋداندىق پوليتسيا ءبولىمى تاراپىنان تەرگەۋ جۇرگىزىلۋدە», دەدى ءبىلىم باسقارمانىڭ ءباسپاسوز قىزمەتىندەگىلەر.
پوليتسيا دەپارتامەنتىنەن اتاپ وتكەندەي, قازىرگى كەزدە قىلمىستىق كودەكستىڭ 156-بابىنىڭ 2-بولىگى «ەڭبەكتى قورعاۋ ەرەجەلەرىن ابايسىزدا دەنساۋلىققا اۋىر زيان كەلتىرۋگە اكەپ سوققان بۇزۋشىلىق» بويىنشا ءىس قوزعالىپ, تەرگەۋ امالدارى جۇرگىزىلىپ جاتىر.
