ول «بۋحارەست» ساياباعىندا ورناتىلدى. ەسكەرتكىشتىڭ اشىلۋ راسىمىنە رۋمىنيانىڭ قازاقستانداعى ەلشىلىگى مەن اكىمدىك وكىلدەرى قاتىستى. ايتا كەتەيىك, وسىعان دەيىن ەكى ەلدىڭ اكىمدىكتەرى ىنتىماقتاستىق تۋرالى مەموراندۋمعا قول قويعان.
«بۇگىنگى شارا - مەملەكەت باسشىسىنىڭ حالىقارالىق باستامالارى جاڭا دەڭگەيدە جۇزەگە اسىرىلىپ جاتقانىنىڭ كورىنىسى. بىلتىر ءبىز نۇر-سۇلتان مەن بۋحارەست اراسىندا اۋداندىق دەڭگەيدە مەموراندۋمعا قول قويدىق. سونىڭ اياسىندا مادەني, سپورتتىق جانە تەحنولوگيالىق قارىم-قاتىناس سالاسىندا ىنتىماقتاستىق ورناتۋعا كەلىستىك. ماسەلەن, وتكەن جىلى بۋحارەست قالاسىندا ۇلى ابايدىڭ ءمۇسىنى قويىلسا, ەندى مىنا ساياباققا «بۋحارەست» اتاۋىن بەرىپ وتىرمىز», دەدى نۇر-سۇلتان قالاسى ەسىل اۋدانىنىڭ اكىمى بەرىك جاكەنوۆ.
ەلىمىزدە ەسكەرتكىش اشىلعان ۋاقىتتا رۋمىنيا استاناسى بۋحارەستە «قازاقستان» دەپ اتالاتىن ساياباق اشىلدى. شارا تىكەلەي ەفيردە كورسەتىلدى. وعان رۋمىنيا سەناتىنىڭ توراعاسى مەن ەلدىڭ بۇرىنعى پرەزيدەنتى قاتىستى.
