بۇۇ-نىڭ اۋعانستان بويىنشا ارنايى وكىلى دەبورا لايونس بۇۇ قاۋىپسىزدىك كەڭەسىنە بەرگەن سۇحباتىندا ۇيىمنىڭ اۋعانستانداعى عيماراتتارى ءتيىستى تۇردە كۇزەتىلگەنىمەن, «تاليبان» بيلىك باسىنا كەلگەننەن بەرى اۋعان قىزمەتكەرلەرىنە قىسىم كۇشەيە تۇسكەنىن ايتتى.
ء«بىزدىڭ ۇلتتىق قىزمەتكەرلەرگە قىسىم كورسەتۋ جانە قورقىتۋ دەرەگىنىڭ كوبەيگەنى الاڭداۋشىلىق تۋعىزىپ وتىر. ءبىز ءوز قىزمەتكەرلەرىمىزدى قولداۋ جانە قاۋىپتەن قورعاۋ ءۇشىن قولدان كەلگەننىڭ ءبارىن جاسايمىز. بۇۇ اۋعان حالقى ءۇشىن وتە ماڭىزدى جۇمىستى قىزمەتكەرلەرى قورقىپ, ەركىن جۇرە الماسا دۇرىس ورىنداي المايدى», دەدى لايونس.
Reuters تالىپتەر بيلىك باسىنا كەلەردىڭ الدىندا 10 تامىزدان بەرى قورقىتۋلار, بۇۇ كەڭسەلەرىن توناۋ جانە قىزمەتكەرلەرگە شابۋىل جاساۋ سياقتى ونداعان وقيعا تۋرالى حابارلادى.
«تالىپتەر بۇكىل ەل بويىنشا بۇۇ قىزمەتكەرلەرىنە قارسى كۇش قولدانىپ جاتىر دەگەن اقپارات ءبىزدى اشۋلاندىرادى. بۇلاي بولمايدى. بۇنى شەكتەن شىققاندىق دەپ ايتساق ارتىق بولمايدى», دەدى اقش-تىڭ بۇۇ-داعى وكىلىنىڭ ورىنباسارى دجەففري دەلورەنتيس.
ول تالىپتەردى بۇۇ تاۋەلسىزدىگى مەن بەيتاراپتىعىنا قۇرمەتپەن قاراۋعا شاقىردى.
