بىرلىگىمىز — بايلىعىمىز

1 مامىر قازاقستان حالقىنىڭ بىرلىگى كۇنى مەرەكەسى رەتىندە قازاقستان حالقىنىڭ اسسامبلەياسى قۇرىلعاننان كەيىن اتاپ وتىلە باستا­دى. ەلباسىنىڭ ارقاسىندا ەلىمىز ىشىندە ەۋرازيالىق يدەيا, ياعني ءبىز ءبىر حالىقپىز دەگەن سەنىم ورنىعىپ وتىر. وسى رەتتە “حالىقتار” ەمەس, “حالىق” دەگەن تۇسىنىك باستاۋ الدى. ونىڭ نەگىزىندە ەلدى قۇرۋدىڭ پرە­زيدەنت ويلاستىرعان جۇيەلى قادامى جاتقانى ءمالىم جانە بۇل ۇدەرىس­تەردىڭ بارلىعى ءبىر-بىرىمەن تىعىز بايلانىستا دامىدى. سول كەزدەن ءبىز حالقىمىزدىڭ بىرلىگىن تانىتاتىن مەرەكەنى سەزىنە باستادىق. ءار ءتۇرلى ەتنوس وكىلدەرىنىڭ ۇلتتىق كيىمدەرىمەن شىعىپ, مەرەكەلەۋى ەلىمىزدىڭ ەلدى مەكەندەرىن قۇددى بوياۋى قانىق شوق-شوق گۇلدەرگە ۇقساتتىرادى. ياعني, بۇل ارتۇرلىلىك ارقىلى ءبىر­لىككە جەتۋ دەگەندى بىلدىرەتىن سەكىل­دى. شوق گۇلدەگى ءاربىر گۇل ءبىر-ءبىرىن تولىقتىرا تۇسەدى. سونىڭ ارقاسىن­دا ول وتە ادەمى رەڭككە ەنەدى. 1 ما­مىر­دى مەن ءوزىم سولاي قابىلداي­مىن. مەرەكەنىڭ كوكتەم مەزگىلىندە تويلانىپ جاتۋى دا تابيعاتپەن ەتەنە ەكەنىمىزدىڭ ءبىر كورىنىسىندەي كۇيگە بولەيدى. دالا تابيعاتىنداعى بارلىق وسىمدىكتەردىڭ جاراسىم تابۋى سياقتى قوعامداعى جاراستىق تا سوعان لايىق ءوربۋى ءتيىس. ءبىر-بىرىمىزگە جىلى ءسوز ايتۋىمىزدىڭ ءوزى مەرەكە كەزىندە ەرەكشە ەستىلەرىن ءبارىمىز دە جاقسى تۇسىنەمىز. مەن اسسامبلەيا قۇرىلعاننان بەرگى ونىڭ بارلىق سەسسيالارىنا قاتىسىپ كەلەمىن. پرەزيدەنت ن.نا­زارباەۆتىڭ باستاماسىمەن ومىرگە كەلگەن اسسامبلەيانىڭ قۇرىلۋىنا دا بەلسەنە اتسالىستىم. ەلباسى تاۋەلسىزدىكتىڭ العاشقى جىلدارى بىرلىك ينستيتۋتى جايلى ايتا باس­تاعاندا, ونىڭ ادامداردى بىرىكتىرە بىلەتىن قابىلەتىن بايقادىم.  اسسام­بلەيانى قۇرۋدا, يادروسىز الەمدى ورناتۋ باستاماسىندا, ەقىۇ  جانە وزگە دە ماسەلەلەردە پرەزيدەنتتىڭ وسىنداي بىرىكتىرۋشى قاسيەتى ونىڭ ءاربىر ءىس-ارەكەتىنەن ايقىن سەزىلەدى. مۇنداي ميسسيا, اسىرەسە, قازاقستان حالقى اسسامبلەياسىن قۇرۋدا ايقىن اڭعارىلدى. بۇۇ باس حاتشىسى, رەسەي مەن ەۋروپا ەلدەرى ساراپشى­لارى بولسىن, ەلىمىزدىڭ تاۋەلسىزدىك العان العاشقى جىلدارىنداعى قا­دامدارىمىزدىڭ دۇرىس بولعان­دىعىن ايتۋدان تانباي كەلەدى. ءويت­كەنى, ەلباسى دامۋدىڭ ارناسىن ەكو­نوميكا مەن بىرلىككە بۇردى. ءمى­نە, وسى نەگىزگى ەكى باسىمدىق مەم­لەكەتتى قۇرۋدىڭ باستى كىلتى بولدى. وزگە ەلدەردەگى ەتنوسارالىق قا­رىم-قاتىناستارعا كوڭىل بولىنبە­گەندىكتەن, جاعدايلارىنىڭ قانداي كۇيدە ەكەنىن كورىپ ءجۇرمىز. ورتاق شاڭىراق كوتەرۋ ءبىر رەتتىك جۇمىس ەمەس, ونى ۇنەمى بيىكتەتىپ, بەكىتىپ وتىرۋ قاجەت. ال قازاق ءتىلى سول بە­رە­كە-بىرلىگىمىزدى نىعايتۋدىڭ باستى قۇرالى بولۋى قاجەت. حالىق ورتاق ءتىل مەن مادەنيەت, ورتاق قۇندى­لىقتار نەگىزىندە ىرگەتاسىن نىعايت­قانى ءجون. پرەزيدەنتتىڭ دانالىعى دا وسىندا جاتىر, ياعني ول ماسە­لەلەردىڭ ءبارىن جۇيەلى شەشۋدە. قورىتا ايتقاندا, قازاقستان حالقى اسسامبلەياسى بەلسەندى دامىپ كەلەدى. ەشقانداي سىن دا جوق دە­مەيمىن, ويتكەنى, كەز كەلگەن باستاما قارسىلىققا ۇشىراپ جاتادى. وسى رەتتە ەلدىڭ تۇتاستىعىن ويلاساق, بىرلىگىمىز بەن بەرەكەمىز ارقاشاندا كۇن تارتىبىندە تۇرعانى ءجون. ءوز ۇيىمىزدە ءتارتىپتى, ەكونوميكالىق دامۋدى جانە ەتنوسارالىق بىرلىكتى ساقتاي بىلەيىك. ۆيكتور كيانسكي, ءماجىلىس دەپۋتاتى, قحا مۇشەسى.