بۇل تۋرالى اقوردانىڭ رەسمي سايتى مالىمدەدى.
كەشە كابۋلدان الماتىعا ارنايى رەيسپەن 35 قانداسىمىز, 4 قازاقستان ازاماتى جانە بۇۇ-نىڭ 1 قىزمەتكەرى جەتكىزىلگەنىن حابارلاعان بولاتىن.
قانداستار مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ەلگە ەۆاكۋاتسيالاندى. پرەزيدەنت ديپلوماتتارىمىزعا جانە يگى ءىستى ۇيىمداستىرۋعا اتسالىسقان بارلىق ۆەدومستۆو قىزمەتكەرلەرىنە العىس ايتتى.
ايتا كەتەيىك, قر پرەزيدەنتى قاسىم-جومارت توقاەۆ جاڭادان تاعايىندالعان توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتاسىن تاپسىرۋ راسىمىندە اۋعانستانداعى قازاق دياسپوراسىن ەلگە قايتارۋ ماسەلەسىن قاراستىرىپ جاتقانىن مالىمدەگەن ەدى.
