الەم • 10 قىركۇيەك, 2021

اۋعانستاندا تالىپتەر جۋرناليستەردى سوققىعا جىقتى

190 رەت

كورسەتىلدى

1 مين

وقۋ ءۇشىن

«تاليبان» قوزعالىسىنىڭ سودىرلارى كابۋلدا ايەلدەردىڭ نارازىلىققا شىققانىن جاريالاعانى ءۇشىن ەكى اۋعان ءجۋرناليسىن ۇرىپ-سوققان, دەپ حابارلايدى Egemen.kz.

گاۋھار قاپاش

اۋعانستاندا تالىپتەر جۋرناليستەردى سوققىعا جىقتى

بۇل تۋرالى Reuters اگەنتتىگى مالىمدەدى.

اگەنتتىك مالىمەتىنشە, سودىرلار جۋرناليستەردى رەپورتاج جاساپ جاتقان جەرىنەن ۇستاپ, كەيىن ولاردى قامشىمەن اياۋسىز ساباعان.

زارداپ شەككەندەر اۋرۋحاناعا جەتكىزىلدى.

«Etilaat Roz گازەتىنىڭ جۋرناليستەرى تالىپتەر ۇستاعاننان كەيىن سوققىعا جىعىلدى. ەكى ءتىلشىنىڭ باسىندا, بەتىندە جانە دەنەسىندە قامشىنىڭ ىزدەرى بار», دەلىنگەن رەسمي حابارلامادا.

جاقىندا اۋعان ايەلدەرى ەل باسقارۋعا قاتىستىرۋدى تالاپ ەتىپ نارازىلىققا شىققان بولاتىن. ال, تالىپتەر ۋاقىتشا ۇكىمەتتىڭ قۇرامىن جاريالاپ, ايەلدەر بيلىكتە بولا المايتىنىن ايتقان.

بۇل اۋعان حالقى جاڭا بيلىك ساياساتىنا نارازىلىق بىلدىرگەن العاشقى اكتسيا ەمەس. جەتىنشى قىركۇيەكتە كابۋل تۇرعىندارى پاكىستاننىڭ ۆەدومستۆوارالىق بارلاۋ باسشىسى فايز ءحاميدتىڭ قالاعا كەلۋىنەن كەيىن كوشەگە شىقتى. نارازىلىق بىلدىرۋشىلەردىڭ كوپشىلىگى - ايەلدەر. اكتسيانى تاراتۋ ءۇشىن تالىپتەر وت جاعىپ, قاتىسۋشىلاردى تاياقپەن ۇرعانى تۋرالى حابارلاندى. سول كۇنى نارازىلىقتار كابۋلدىڭ سولتۇستىگىندەگى پارۆان پروۆينتسياسىندا, سونداي-اق ەلدىڭ باتىسىنداعى پروۆينتسيا ورتالىعى گەراتتا بولدى.